Reja:
1.Huquq ijodkorligi – huquq yaratishning murakkab
jarayoni sifatida
2.Ququq ijodkorligi tushunchasi turlari va prinsiplari
3.Qonun ijodkorligi jarayoni tushunchasi va
bosqichlari
4.Huquq ijodkorligi jarayonida yuridik texnikaning
roli
Huquq ijodkorligi jarayonida yangi huquq
normalari ishlab chiqiladi va tasdiqlanadi.
Bunda huquq manbalarida birinchi navbatda,
davlat hokimiyati organlari faoliyatining
maqsadi, vazifalari va funksiyalarining
mazmuni hamda huquqiy doiradagi muayyan
ijtimoiy munosabatlarda huquq
subyektlarining huquq va majburiyatlari o‘z
ifodasini topadi.
Huquq ijodkorligining murakkab jarayon
ekanligini quyidagilar orqali ko‘rish mumkin:
1) huquqiy tartibga solishni talab etadigan ijtimoiy munosabat,
vaziyat yoki jarayonni anglash, o‘rganish va tahlil etish;
2) muayyan normativ-huquqiy hujjatni qabul qilish vakolatiga ega
bolgan organ yoki mansabdor shaxs (subyekt)ni aniqlash;
3) qabul qilinishi nazarda tutilayotgan aktning shaklini tanlash;
4) tegishli protsedura doirasida normativ-huquqiy hujjatni
tayyorlash, qabul qilish, unga o‘zgartirish va qo‘shimchalar kiritish
yoki bekor qilish;
5) qabul qilingan normativ-huquqiy hujjatni huquq subyektlari
e’tiboriga yetkazish.
Huquq ijodkorligi - bu, eng avvalo, vakolatli
davlat organlarining normativ-huquqiy
hujjatlarni yaratish, ularga o‘zgartirish
kiritish yoki ularni bekor qilishga qaratilgan
faoliyati.
Huquq ijodkorligi turlari sifatida quyidagilarni ko'rsatib
o‘tish mumkin:
- bevosita huquq ijodkorligi (umumxalq referendumi);
- davlat organlarining huquq ijodkorligi (Oliy Majlis,
Vazirlar Mahkamasi, vazirliklar va boshqalar);
- alohida mansabdor shaxslarning huquq ijodkorligi
(prezident, vazirlar, hokimlar va boshqalar);
- mahalliy davlat hokimiyati organlarining huquq
ijodkorligf.
Qonun ijodkorligi jarayoni deganda qonun chiqaruvchi
hokimiyat organining o‘z vakolatidan kelib chiqqan holda
qonunni qabul qilish, uni o'zgartirish yoki jamiyat hayotida
uzoq muddat davomida amalda bo‘lib, ijro etilishi odatiy
holga aylangan odat, axloq yoki boshqa ijtimoiy normalarni
sanksiyalashga qaratilgan faoliyati tushuniladi.
Qonun chiqarish jarayoni bosqichlariga
quyidagilar kiradi:
1) qonunchilik tashabbusi;
2) qonun loyihasi muhokamasi;
3) qonunni qabul qilish;
4) qonunni imzolash va e’lon qilish.
