Korporatsiya va uning kapitali Xo’jalik jamiyatlari ustav kapitali-jamiyatda ishtirok uchun hissalar sifatida kiritilgan mulk va mulkiy huquqlarning pul ko’rinishidagi umumiy qiymatini ifodalaydi va ulush/aksiyalarning nominal qiymatidan iborat bo’ladi. Ustav kapitalining asosiy funksiyalari. • Taqsimot- ustav kapitali orqali har bir aksiyadorning jamiyatdagi ulishi va foydasi aniqlanadi. • Moddiy -ta’minot – mulk sifatida qo’shilgan xissa jamiyatning tashkil etilishida, faoliyatida va kelajakda ishlashi uchun dastlabki moddiy asosdir. • Kafolat – jamiyat kreditorlari oldida o’z mulki doirasida javobgar bo’lib va u ustav kapitalidan kam bo’lishi mumkin emas. • Ustav fondi o’z mohiyatiga ko’ra jamiyat tasarrufidagi mol-mulkning real qiymatini ifodalamaydi. Jamiyat mol-mulki ustav fondidan kam yoki ko’p bo’lishi mumkin. • Ustav fondi miqdori kiritilgan mol- mulkning real bahosidan kamroq bo’lishi ham mumkin. • Jamiyat ustav kapitali jamiyat ustavi bilan belgilanadi. • Jamiyat ustav kapitalining eng kam miqdori litsenziya talablarida belgilanishi mumkin. Jamiyatning sof aktivlari – jamiyatga tegishli bo'lgan mulkning haqiqiy qiymati. Ustav fondiga qo’shiladigan hissalar- pul, qimmatli qog‘ozlar, o‘zga ashyolar yoki mulkiy huquqlar yoxud pul bahosiga ega bo‘lgan boshqa shaxsga o‘tkaziladigan o‘zga huquqlar jamiyatning ustav fondiga (ustav kapitaliga) qo‘shiladigan hissalar bo‘lishi mumkin. Ulushning nominal qiymati- bu pul ifodasidagi shartli abstrakt qiymat bo’lib, jamiyat tashkil etilganda ishtirokchining qo’shgan hissasi qiymati bilan belgilanadi. Ulushning nominal qiymati ishtirokchi hissasining dastlabki bahosi asosida aniqlanadi. Xo’jalik jamiyatlari ustav fondini oshirish jamiyatning mol-mulki hisobiga va jamiyat ishtirokchilarining qo‘shimcha hissalari hisobiga va, agar bu jamiyatning ustavi bilan taqiqlangan bo‘lmasa, jamiyatga qabul qilinadigan uchinchi shaxslarning hissalari hisobiga amalga oshirilishi mumkin. Xo’jalik jamiyati ustav kapitalini kamaytirish huquqiga ega, qonun hujjatlarida nazarda tutilgan hollarda esa uning ustav kapitalini kamaytirish shart. Jamiyat ustav kapitalini aksiyalarining nominal qiymatini kamaytirish va aksiyalarning umumiy sonini kamaytirish yo’li bilan amalga oshiriladi.