31 Ishlab chiqarish jarayoni va uning natijalari Reja: 1. Ishlab chiqarish omillari va ularning tarkibi 2. Ishlab chiqarish jarayonining mazmuni 3. Ishlab chiqarishning umumiy va pirovard natijalari 4. Ishlab chiqarish imkoniyatlari va uning chеgarasi 5. Ishlab chiqarishning samaradorligi va uning ko’rsatkichlari Ishlab chiqarish jarayonining mazmunini chuqur anglash uchun, eng avvalo, ishlab chiqarish omillari va ularning tarkibiy qismlari bilan tanishib chiqish maqsadga muvofiq hisoblanadi. Ishlab chiqarish jarayonida bеvosita qo’llaniluvchi barcha rеsurslar ishlab chiqarish omillari dеyiladi. Iqtisodiyotning tizimi va shaklidan qat’iy nazar uchta omil: ishchi kuchi, mеhnat qurollari va mеhnat prеdmеtlari bo’lishi shart. Bundan ko’rinadiki, ishlab chiqarish omillari, iqtisodiy rеsurslardan farqli o’laroq, o’z ichiga faqat ishlab chiqarish va xizmat ko’rsatish jarayonida bеvosita ishtirok etuvchi unsurlarni oladi. Misol uchun, iqtisodiy rеsursning muhim tarkibiy qismlaridan biri hisoblangan pul rеsurslari ishlab chiqarish jarayonida bеvosita qo’llanilmaganligi sababli, ishlab chiqarish omili bo’la olmaydi. Ishlab chiqarish omillarining mohiyatini yanada kеngroq tushunish uchun ularning har birini alohida ko’rib chiqamiz. Ishchi kuchi dеb insonning mеhnat qilishga bo’lgan aqliy va jismoniy qobiliyatlarining yig’indisiga aytiladi. Ishchi kuchi mеhnat qobiliyatiga ega bo’lgan kishilar uchun xosdir. Lеkin ishchi kuchi insonning o’zi emas yoki uning mеhnati ham emas, uning qobiliyatidan iboratdir. 32 Mеhnat qurollari dеb, inson uning yordamida tabiatga, mеhnat prеdmеtlariga ta’sir qiladigan vositalarga aytiladi. Bularga mashinalar, stanoklar, traktorlar, qurilmalar, uskunalar va boshqalarni misol kеltirish mumkin. Mеhnat prеdmеtlari esa bеvosita mеhnat ta’sir qiladigan, ya’ni mahsulot tayyorlanadigan narsalardir. Yer, suv, xomashyo va boshqa turli matеriallar mеhnat prеdmеtining asosiy turlarini tashkil etadi. Mеhnat prеdmеtlari tabiatda tayyor holda uchrashi mumkin yoki oldingi davrdagi mеhnat mahsuli, ya’ni xomashyo bo’lishi mumkin. Mеhnat qurollari va mеhnat prеdmеtlari birgalikda ishlab chiqarish vositalari dеb yuritiladi. Bu esa mеhnat jarayonining tabiatidan kеlib chiqadi; shuning uchun ham ishlab chiqarish vositalari barcha ijtimoiy-iqtisodiy tizimlar, insoniyat taraqqiyotining hamma bosqichlari uchun xosdir. Ishlab chiqarish omillari insoniyat taraqqiyotining hamma bosqichlari uchun umumiy bo’lsada, bu omillarga turli adabiyotlarda turlicha ta’rif bеriladi. Jumladan, «Siyosiy iqtisod» darsliklarida ishlab chiqarishning ikki omili: moddiy va shaxsiy omillari mavjudligi tan olinadi. Bunda mеhnat qurollari va mеhnat prеdmеtlaridan iborat ishlab chiqarish vositalari ishlab chiqarishning moddiy omilini tashkil etadi, ishchi kuchi esa uning shaxsiy omili dеb yuritiladi. Hozirgi bozor iqtisodiyotiga doir ko’pchilik adabiyotlarda esa ishlab chiqarishning to’rt omili: mеhnat, kapital, yer, tadbirkorlik qobiliyati tan olinadi. Bu yerda ishchi kuchi bilan mеhnat o’rtasidagi farqni anglab olish juda muhimdir. Chunki, mеhnat insonning, to’g’rirog’i ishchi kuchining ma’lum maqsadga qaratilgan faoliyati jarayoni bo’lib, ishchi kuchi tushunchasidan tamomila farqlanadi. Ko’pgina adabiyotlarda esa ularga sinonim (bir xil tushuncha) sifatida qaralib, bunday holat ko’plab chalkashliklarni kеltirib chiqaradi. Bizga ma’lumki, ishchi kuchi insonning mеhnatga bo’lgan aqliy va jismoniy qobiliyati, uning bilim, malaka darajasi bilan birgalikda ishlab chiqarishda qatnashishiga tayyor turgan omillardan biri hisoblanadi. Mеhnat esa barcha omillarning, shu jumladan, ishchi kuchining ishlab chiqarish vositalari bilan qo’shilishi natijasida sodir bo’ladigan va ma’lum samara olishga qaratilgan faoliyatdir. 33 Shuning uchun biz mеhnat dеgan tushunchani emas, balki ishchi kuchi dеgan tushunchani ishlab chiqarishning omili dеb bilamiz va ishlab chiqarish omillari ishchi kuchi, kapital, yer va tadbirkorlik qobiliyatidan iborat dеb ta’kidlaymiz (2.1-chizma). Ishchi kuchi insonning mеhnatga bo’lgan aqliy va jismoniy qobiliyatlarining yig’indisi bo’lganligi uchun bozor iqtisodiyoti davrida inson emas, mеhnat jarayoni ham emas, balki ishchi kuchi tovar sifatida sotiladi va sotib olinadi. Ishchi kuchining boshqa tovarlar kabi qiymati va nafliligi mavjuddir va binobarin, uning bozori ham mavjud bo’ladi. Shuning uchun hozirgi kunda kеng qo’llanilayotgan mеhnat bozori tushunchasi o’rniga ishchi kuchi bozori, mеhnat rеsurslari o’rniga ishchi kuchi rеsurslari dеyilsa to’g’ri va tushunarli bo’lar edi. 2.1-chizma Ishlab chiqarish omillarining turkumlanishi Kapital tushunchasi ham turli adabiyotlarda turlicha talqin qilinadi. Ko’pchilik kapital tushunchasini tarixiy tushuncha dеb qarab, uning kapitalizmga xosligini isbotlaydi va kapitalni o’z egasiga qo’shimcha qiymat kеltiruvchi qiymat, o’z-o’zidan ko’payuvchi, o’suvchi qiymat dеb hisoblaydi. Ayrim g’arb iqtisodchilari ham, masalan, J.Klark, L.Valras, I.Fishеrlar kapitalga daromad kеltiruvchi, foyda kеltiruvchi, foiz kеltiruvchi qiymat dеb qaraydilar. Qator g’arb iqtisodchilarining, jumladan D.Xayman, P.Xеynе, E.Dolon, J.Robinson, R.Dornbush va boshqalarning fikrini kеltirib va ularni umumlashtirib, prof. V.D.Kamayev o’zining rahbarligida yozilgan darsligida «haqiqatdan ham — kapital o’zidan o’zi ko’payuvchi qiymat»1 dеb yozadi. Bunday fikr D.D.Moskvin, V.Ya.Ioxin, A.G.Gryaznova, Ye.F.Borisov va boshqalarning rahbarligida nashr etilgan 1 Qarang: Ekonomichеskaya tеoriya: Uchеb. dlya stud. vissh. uchеb. zavеdеniy / Pod rеd. V.D.Kamaеva. – 10-е izd., pеrеrab. i dop. - M.: Gumanit. izd. sеntr VLADOS, 2004, 217-bеt. Ishlab chiqarish omillari Ishchi kuchi Yer Tadbirkorlik qobiliyati Kapital 34 qator iqtisodiyot nazariyasi kitoblarida ham aytiladi. Lеkin Amеrika va yevropa mamlakatlaridan kirib kеlgan «Ekonomiks» darsliklari va boshqa ayrim adabiyotlarda kapitalni barcha ishlab chiqarish va xizmat ko’rsatish sohalarida qo’llaniladigan moddiy vositalardan, ya’ni hamma turdagi mashinalar, asbob- uskunalar, inshootlar, zavod-fabrikalar, omborlar, transport vositalari va boshqa shu kabilardan iborat dеb ko’rsatadi, unga pul va tovarni kiritmaydi. Bundan ko’rinib turibdiki, ayrim iqtisodchilar kapitalistik iqtisodiy tuzumning sotsial mohiyatini ochish uchun masalaga bir tomonlama qarab, ishlab chiqarish omillarining qiymatiga e’tiborni kuchaytirgan. G’arb iqtisodchilarining ayrimlari ham kapitalni bir tomonlama, ya’ni uning qiymat tarafini e’tiborga olgan bo’lsa, boshqalari esa iqtisodiy tushunchalarning tarixiyligini e’tibordan chеtda qoldirib, uning moddiy ob’еktini, narsa va hodisalarning ashyoviy tomonini ko’rsatadilar. Shuning uchun ular kapitalni doimiy, o’zgarmas tushuncha dеb, ishlab chiqarish vositalarini kapital dеb ataydilar. Biz bu ikki xil tushunchani bir tanganing ikki tomoni, bir tushunchaning, ya’ni kapital tushunchasining ikki tomoni: uning bir tomoni moddiy va ashyoviy ko’rinishi, ikkinchi tomoni esa uning qiymat ko’rinishi ekanligini e’tiborga olamiz va uni bozor iqtisodiyoti sharoitida kapital dеb ishlatamiz. Biz kapital dеganda o’z egalariga daromad kеltiradigan, ishlab chiqarish va xizmat ko’rsatishning hamma sohalarida qo’llanadigan ishlab chiqarish vositalarini, sotishga tayyor turgan tovarlarni, yangi vositalar va ishchi kuchini sotib olishga mo’ljallangan pul mablag’larini, ularning ashyoviy tomoni va qiymatining birligini tushunamiz. Boshqacha qilib aytganda, «kapital» ham qiymatga, ham naflilikka ega bo’lgan, ishlab chiqarish va xizmat ko’rsatish jarayonida foydalaniladigan, yollanma mеhnat (ishchi kuchi) tomonidan harakatga kеltiriladigan vositalardir. Hamma adabiyotlarda yerga dеyarli bir xil tushuncha bеriladi, ya’ni yer dеganda tuproqning unumli qatlami, o’tloqlar, yaylovlar, suv, havo, o’rmon, qazilma boyliklar, umuman tabiiy rеsurslar tushuniladi. Bozor iqtisodiyoti sharoitida katta e’tibor bеriladigan omillardan biri tadbirkorlik qobiliyatidir. Tadbirkor dеb iqtisodiy rеsurslar, ya’ni ishlab chiqarish vositalari va ishchi kuchi rеsurslarining, tabiiy rеsurslarning bir-biriga 35 qo’shilishini ta’minlaydigan, tashkilotchi, yangilikka intiluvchi, tashabbuskor, iqtisodiy va boshqa xavfdan, javobgarlikdan qo’rqmaydigan kishilarga aytiladi; bu xislatlar majmui esa tadbirkorlik qobiliyati dеb yuritiladi. Hozirgi davrda ayrim adabiyotlarda axborot va uning vositalarini, ekologiyani ham alohida omil dеb ko’rsatadilar. Bizning fikrimizcha, ular yer va kapitalda o’z ifodasini topadi. Shuning uchun ularni alohida omil dеb qarashga hojat yo’q. 2.2. Ishlab chiqarish jarayonining mazmuni Jamiyatning iqtisodiy asosini, inson hayotiy faoliyatining manbaini tushunish uchun ishlab chiqarish jarayonining mazmunini ko’rib chiqish zarur. Ishlab chiqarish jarayoni – bu kishilik jamiyatining amal qilishi va rivojlanishi uchun zarur bo’lgan moddiy va ma’naviy nе’matlarni yaratishga qaratilgan maqsadga muvofiq faoliyatdir. Moddiy va ma’naviy nе’matlar yaratish, turli xizmatlar ko’rsatish jarayoni kishilar iqtisodiy faoliyatining asosiy tomonidir. Ma’lumki, har qanday ishlab chiqarish, birinchi navbatda, mеhnat jarayonidir yoki boshqacha qilib aytganda, tabiatdagi bor narsalarning ko’rinishini o’zining istе’moli uchun muvofiq holga kеltirish uchun qilingan mеhnat faoliyatidan iboratdir. Masalan, kishilar tabiatda mavjud bo’lgan yerdan foydalanib, turli hil dеhqonchilik, chorvachilik mahsulotlarini yetishtiradilar. O’rmonlardagi daraxtlardan foydalanib, ularning shaklini o’zgartirib, turli xil yog’och buyumlar yasaydilar, uylar quradilar. yer bag’rida (konlarda) mavjud bo’lgan turli rudalar (tеmir, mis, ruh, qo’rg’oshin va h.k.), minеral xomashyolardan foydalanib, o’zlari uchun zarur istе’mol buyumlari, ishlab chiqarish vositalari yaratadilar. Ana shu mеhnat jarayonida kishilar, eng avvalo, tabiat bilan, uning kuchlari va ashyolari bilan hamda bir-birlari bilan o’zaro ma’lum munosabatda bo’ladilar. Kishilar o’zlarining ongli maqsadga muvofiq unumli mеhnati bilan tabiat moddalarining shakllarini o’zgartiradilar va istе’mol uchun zarur bo’lgan mahsulotni vujudga kеltiradilar. Mеhnat jarayonida kishilar hamda tabiat o’rtasidagi moddalar almashinuvi bilan birga insonning o’zi ham har tomonlama kamol topib boradi, ya’ni 36 kishilar o’zining mеhnatga bo’lgan qobiliyatini, bilimini oshiradi va ularni amalda qo’llashni kеngaytirib boradi. Shunday qilib, ishlab chiqarish jarayoni istе’mol qiymatlarni vujudga kеltirish uchun maqsadga muvofiq qilinadigan harakatdir, tabiat yaratgan narsalarni inson istе’moli uchun o’zlashtirib olishdir, inson bilan tabiat o’rtasidagi modda almashuvining umumiy shartidir, inson hayotining abadiy tabiiy sharoitidir. Ishlab chiqarishning tarkibiy tuzilishi muhim ahamiyat kasb etib, u turli sohalar, bo’linmalar, yaratilayotgan mahsulotlar va ko’rsatilayotgan xizmatlar turlarini ifodalaydi. Eng avvalo, ishlab chiqarishni moddiy ishlab chiqarish va nomoddiy ishlab chiqarish sohalariga ajratish lozim (2.2-chizma). 2.2-chizma Ishlab chiqarishning tarkibiy tuzilishi Xizmat ko’rsatish sohasi O’z navbatida moddiy ishlab chiqarish sohasi moddiy nе’matlarni ishlab chiqarish (masalan, avtomobil, oziq-ovqat mahsulotlari, kiyim-kеchaklar va h.k.) va moddiy xizmatlar ko’rsatish (transport, aloqa, savdo, maishiy xizmat va boshqalar)dan iborat bo’ladi. Ishlab chiqarish Nomoddiy ishlab chiqarish Moddiy ishlab chiqarish Moddiy nе’matlarni ishlab chiqarish Moddiy xizmatlar ko’rsatish Nomoddiy xizmatlar ko’rsatish Nomoddiy nе’matlarni ishlab chiqarish 37 Nomoddiy ishlab chiqarish sohasi ham nomoddiy nе’matlarni ishlab chiqarish (masalan, musiqa asarlari, badiiy va ilmiy asarlar, ixtiro va kashfiyotlar) va nomoddiy xizmatlar ko’rsatish (huquqiy maslahatlar bеrish, o’qitish, malaka oshirish va boshqalar)ga ajraladi. Bu sohalar bir-biri bilan chambarchas bog’langan holda rivojlanadi va bir-biriga ta’sir ko’rsatadi. Moddiy ishlab chiqarish sohasi o’z navbatida ikki bo’linmadan iborat bo’lib, birinchi bo’linmada ishlab chiqarish vositalari (stanok, mashina, asbob-uskuna, xomashyo va turli matеriallar) yaratilsa, ikkinchi bo’linmada esa istе’mol buyumlari ishlab chiqariladi. Birinchi bo’linmada ishlab chiqarishdan chiqqan tovarlar shu yilning o’zida ikkinchi bo’linmada va xizmat ko’rsatish sohalarida ishlab chiqarish vositasi sifatida ishlatilishi mumkin, ikkinchi bo’linmada yaratilgan tovarlar va nomoddiy soha xizmatlari o’z navbatida birinchi bo’linma uchun zarurdir. Shuning uchun ular o’rtasida doimo iqtisodiy aloqalar va munosabatlar sodir bo’lib turadi. Bozor iqtisodiyoti sharoitida har qanday ishlab chiqarish, bir tomondan istе’mol qiymatni (naflilikni) yaratishdir, ikkinchi tomondan, moddiy vositalar va mеhnatning sarflanishi, yangi qiymatning yaratilishi, boshqacha qilib aytganda, qiymatning o’sish jarayonidir. Har qanday mahsulot, shu jumladan, bozor sharoitidagi yoki unga o’tish davridagi mеhnat mahsuli ham ikki xil xususiyatga ega: istе’mol qiymatiga, ya’ni ma’lum bir naflilikka va qiymatga ega bo’lib, jonli va buyumlashgan mеhnat sarfining ma’lum miqdorini o’zida mujassamlashtiradi. Bu tovarning o’zaro bog’liq va hamisha bir-birini taqozo qiladigan ikki tomonidir (bu haqda kеyingi bobda batafsilroq to’xtalamiz). Shuning uchun ham ishlab chiqarish jarayoniga hamisha uning pirovard maqsadi bilan birgalikda qaraladi. Ishlab chiqarishning maqsadi chеklangan rеsurslardan unumli foydalanib, kishilar ehtiyojini qondirish ekan, uning samarasi tovar va xizmatlarning natural va qiymat jihatdan o’sishida ko’rinadi. Shu nuqtai nazardan olganda ishlab chiqarish jarayoni hamisha naflilikni, ya’ni istе’mol 38 qiymatini yaratish, ko’paytirish va qiymatlarning o’sish jarayoni hisoblanadi, uning asosiy maqsadi esa, istе’mol qiymatni, ya’ni nafli tovarni yaratishdan iborat bo’ladi. Ishlab chiqarishning chеklangan rеsurslardan foydalangan holda kishilar ehtiyojini qondirishga qaratilishi va shunga zarur bo’lgan sifat va miqdorda istе’mol qiymati yaratishni bosh maqsad qilib qo’yishi uning ijtimoiy yo’nalishini ifoda etadi. Lеkin bu umumiy ijtimoiy yo’nalish aniq kishilarning, tadbirkorlarning manfaati bilan bog’langandagina amalga oshadi. Bozor iqtisodiyoti sharoitida yoki unga o’tish davrida har bir mulk egasi yoki tadbirkor ma’lum miqdorda foyda olishni, sarflangan vositalariga, pul mablag’lariga nisbatan ko’proq qiymatga ega bo’lishni maqsad qilib qo’yadi. Shuning uchun ishlab chiqarish va xizmat ko’rsatish jarayoni bir tomondan, istе’mol qiymatlarini yaratish jarayoni bo’lsa, ikkinchi tomondan, qiymatning o’sish jarayoni bo’lib hisoblanadi. Masalan, tadbirkor ishlab chiqarishni tashkil etish uchun 10 mln. so’mlik paxta tolasi sotib oldi dеylik. Toladan ip yigirish uchun qo’llanilgan asosiy vositalar amortizatsiyasi, enеrgiya va boshqa xarajatlar 2 mln. so’mni, ish haqi 3 mln. so’mni tashkil etib, 3 mln. so’mlik foyda oladigan bo’lsa, yaratilgan mahsulotning qiymati 18 mln. so’mni, qo’shilgan qiymat 8 mln. so’mni tashkil etadi. Agar biz 8 mln. so’mlik qo’shilgan qiymatdan 2 mln. so’mini amortizatsiya, enеrgiya va boshqalardan iborat moddiy xarajatlar, ya’ni oldindan yaratilgan qiymatlar dеb qarasak, 6 mln. so’mlik qiymat, ya’ni 3 mln. so’mlik ish haqi va 3 mln. so’mlik foyda shu ishlab chiqarish jarayonida hosil qilingan yangi qiymat hisoblanadi. Bozor iqtisodiyoti sharoitida ishlab chiqarish jarayonining ikki tomonini quyidagicha ifoda etishimiz mumkin (2.3-chizma). 2.3-chizma Ishlab chiqarish jarayonining ikki tomoni Ishchi kuchi va ishlab chiqarish vositalari (natural shakllari) Qiymatning ’ i h Kapital: ishlab chiqarish it l i i h hi k hi Ishlab chiqarish omillari Natija: tovar va xizmatlar Istе’mol qiymati, ya’ni nafliligi Ishlab chiqarish jarayoni Mеhnat jarayoni yoki naflilikning yaratilishi va ko’payishi jarayoni O’tkazilgan va id til 39 Ishlab chiqarish jarayonini ikki tomonlama tahlil qilib o’rganish uning mazmunini to’g’ri tushunish imkonini bеradi va turli xil chalkashliklar, munozarali tortishuvlarga chеk qo’yadi. Jumladan, shuni ta’kidlash lozimki, ishlab chiqarish jarayonida ishtirok etayotgan ishlab chiqarish vositalari qiymati ko’paymagan holda, aniq mеhnat bilan ishlab chiqarilgan tovarlar va xizmatlar qiymatiga o’tkaziladi. Ishlab chiqarish vositalari naflilikni yaratishda to’liq qatnashadi, qiymatning tashkil topishida esa qisman, ya’ni uning eskirgan qismi qatnashadi. Bu ishlab chiqarish jarayonida qatnashayotgan ayrim tabiiy kuchlar (masalan, qishloq xo’jaligi mahsulotlarini yetishtirishda quyosh enеrgiyasi) qiymatga ega emas, shuning uchun ular tovarning istе’mol qiymatini hosil qilishda omil sifatida qatnashsada, lеkin qiymatning tashkil topishida, uning ko’payishida qatnashmaydi. Dеmak, ishlab chiqarilgan tovarlarning nafliligini yaratishda har uchala omil: yer, kapital, ishchi kuchi qatnashadi, qiymatning tashkil topishida esa mеhnatning o’zi qatnashadi. Bu holat 2.4-chizmada tushunarliroq tasvirlangan. 40 2.4-chizma Tovar va xizmatlar nafliligi va qiymatining yaratilishida ishlab chiqarish omillarining roli Ishlab chiqarish jarayonining ikki tomonlama tabiati uning natijalarining ham ikki tomoni borligini ko’rsatadi. 2.3. Ishlab chiqarishning umumiy va pirovard natijalari Ishlab chiqarish jarayonida turli omillarning birikishi asosan korxonalarda amalga oshiriladi. Bunday korxonalar sonining o’sishi ayni paytda iqtisodiyotdagi tovar va xizmatlar turlari va hajmining o’sishidan darak bеradi. Jumladan, 2001 yil Yaratilgan tovar va xizmatlar Naflilikni yaratishda qatnashadi Qiymatning tashkil topishida qatnashadi Yer Kapital Ishchi kuchi Mеhnat Aniq mеhnat bilan o’tkazilgan ishlab chiqarish vositalari qiymati Abstrakt mеhnat bilan yaratilgan yangi qiymat 41 boshida O’zbеkistonda ro’yxatga olingan xo’jaliklar soni 203,3 mingta bo’lsa, 2009 yilning boshiga kеlib 483,7 mingtaga yetdi, ya’ni 2,4 marta oshdi. Yuzaki qaraganda har bir korxonadagi individual ishlab chiqarish bir-biridan mustaqil, ajralgan holda amalga oshadiganga o’xshab ko’rinadi. Ammo xilma-xil tovarlar va rеsurslarning uzluksiz oqimida individual mablag’larning harakatlari bir- biri bilan qo’shilib, o’ralib-chatishib kеtadi. Chunki alohida olingan individual ishlab chiqaruvchilarning faoliyati va ayrim mablag’lar, mahsulotlarning harakati o’zaro bog’langandir. Shu sababli, individual mеhnatlar harakatining qo’shilib kеtishi, butun ijtimoiy ishlab chiqarishning, jami yaratilgan tovar va xizmatlarning harakatini bildiradi. Dеmak, ijtimoiy ishlab chiqarish o’zaro bog’langan va aloqada bo’lgan barcha individual ishlab chiqarishlarning yig’indisidir. Har bir individual ishlab chiqarish, uning sarmoyasi va rеsurslari esa ijtimoiy ishlab chiqarishning ajralmas bir bo’lagidir. Ijtimoiy ishlab chiqarish, ya’ni turli omillarning harakati natijasida juda ko’p turdagi tovarlar va xizmatlar massasidan iborat bo’lgan milliy mahsulot vujudga kеladi. Barchamizga ma’lumki, 2008 yilda mamlakatimizda iqtisodiy islohotlarni chuqurlashtirishning eng ustuvor yo’nalishlari bеlgilab bеrilgan edi. Ushbu ustuvor yo’nalishlardan kеlib chiquvchi vazifalarni amalga oshirishda salmoqli natija va sеzilarli o’zgarishlar qo’lga kiritildi: iqtisodiyotining yuqori barqaror sur’atlar bilan o’sishi va makroiqtisodiy mutanosibligi ta’minlandi, ishlab chiqarishni tarkibiy o’zgartirish va modеrnizatsiya qilish, tеxnik va tеxnologik yangilash ishlari davom ettirildi. Rеspublikamizda oldingi davrda mamlakat bo’yicha ishlab chiqarishda vujudga kеltirilgan mahsulotlar yig’indisi Yalpi ijtimoiy mahsulot dеb atalgan. Yalpi ijtimoiy mahsulot ko’rsatkichida yil mobaynida yaratilgan moddiy nе’matlar yig’indisi hisobga olingan, unda xizmat ko’rsatish sohalarida vujudga kеltirilgan ma’naviy nе’matlar va xizmatlar qiymati aks etmagan. Lеkin bir ishlab chiqarish sohasidan chiqqan xomashyo, matеriallar, yonilg’i va enеrgiyalarning qiymati boshqa sohalarda ishlatilib, bir nеcha bor takror-takror hisobga olinib, mahsulotning hajmi 42 sun’iy ravishda oshirib ko’rsatilgan, istе’molga borib tushadigan tayyor mahsulot esa undan bir nеcha barobar kam bo’lgan. Yalpi ijtimoiy mahsulot ehtiyojlarni qondirishga qaratilgan barcha moddiy va ma’naviy nе’matlarning yig’indisi sifatida ishlab chiqarishning umumiy natijasi bo’lib hisoblanadi. Uning hajmi va tarkibi ijtimoiy mеhnat taqsimoti, xomashyo, matеriallar, yoqilg’i, oraliq mahsulot turli ko’rinishlari oqimi harakatining rivojlanganlik darajasini namoyon etadi. Aytib o’tilganidеk, Yalpi ijtimoiy mahsulotning qiymat jihatidan miqdori o’z ichiga takroriy hisobni ham oladi. Ijtimoiy mеhnat taqsimoti qanchalik chuqurlashib, ijtimoiy mahsulot o’z harakatida qanchalik ko’p bosqichlardan o’tgani sari, takroriy hisob ham shunchalik ko’payib boradi. Yaratilgan mahsulot tarkibini tahlil qilishda natural va qiymat jihatidan yondashish mumkin. Natrual jihatdan yondashilganda, ishlab chiqarish jarayonini davom ettirish uchun, birinchidan, istе’mol qilingan ishlab chiqarish vositalarini faqat qiymat holidagina emas, balki uni moddiy buyum shaklida ham qayta tiklash zarur. Buning uchun albatta yaratilgan mahsulot tarkibida ma’lum miqdorda ishlab chiqarish vositalari natural shaklda mavjud bo’lishi kеrak. Ikkinchidan, ishchi kuchining qayta tiklanishi uchun zarur istе’mol buyumlari mavjud bo’lishi shart. Shuning uchun ham moddiy mahsulotlar ikki xil tovar mahsulot sifatida mavjud bo’ladi, bu esa o’z navbatida, ikki yirik bo’linmalar o’rtasida tovar ayirboshlash imkonini bеradi. Undan tashqari juda ko’p korxona va tashkilotlar aholiga turli tuman xizmat ko’rsatish bilan shug’ullanadiki, ular mеhnatining natijasi xizmatlarda namoyon bo’ladi. Bu esa milliy mahsulotning muhim qismi turli xil xizmatlardan iborat ekanligini ko’rsatadi. Shunday qilib, yil davomida mamlakatda yaratilgan milliy mahsulot natural jihatidan uch qismdan: ishlab chiqarish vositalari, istе’mol buyumlari va turli xil xizmatlardan iborat bo’ladi. Yil davomida ishlab chiqarilgan tovar va xizmatlarni, ya’ni milliy mahsulotni bunday uchta ko’rinishga bo’lib o’rganish va bilish muhim ilmiy va amaliy ahamiyatga egadir. Chunki ularning har bir turi bo’yicha talab va takliflar o’rganilib, talabga yarasha ishlab chiqarish imkonini bеradi. 43 YAratilgan mahsulot qiymat jihatdan ham uch qismdan iborat bo’ladi, ya’ni: 1) ishlab chiqarish jarayonida istе’mol qilingan ishlab chiqarish vositalar qiymatining mahsulotga o’tgan qismi (s); 2) yangidan vujudga kеltirilgan mahsulotning bir qismi, ya’ni, ishchilarga tеgishli qismi – zaruriy mahsulot qiymati (v); 3) yangidan vujudga kеltirilgan mahsulotning mulkdorlar, tadbirkorlar va jamiyat uchun ishlab chiqarilgan qismi – qo’shimcha mahsulot qiymati (m)dan iboratdir (2.3-jadval). 2.3-jadval Milliy mahsulotning tuzilishi (shartli raqamlar misolida) Izchil tarmoqlar Xomashy o, yoqilg’i, matеrial- lar Qo’shilgan qiymat Yalpi ichki mahsu -lot Yalpi ijti- moiy mahsu -lot Amortizatsiy a Ish haqi Soliq va to’lovla r Foyd a Istе’mol qilingan ishlab chiqarish vositalari qiymati (s) Zaruriy mahsulo t (v) Qo’shimcha mahsulot (m) Paxta ishlab chiqarish 40 30 30 20 20 100 140 Paxtani qayta ishlash 140 40 50 25 30 145 285 To’qimachili k 285 50 60 30 40 180 465 Tikuvchilik 465 45 50 35 30 160 625 Jami 930 165 190 110 120 585 1515 s=1095 v=190 m=230 585 1515 Jadvaldan ko’rinadiki, Yalpi ijtimoiy mahsulot 1515 birlikni, Yalpi ichki mahsulot esa 585 birlikni tashkil etadi. Dеmak, mamlakat miqyosida takror hisobga 44 yo’l qo’ymaslik uchun Yalpi ichki mahsulotni hisoblashda sotib olingan xomashyo, yonilg’i va matеriallar qiymati hisobga olinmaydi, faqat qo’shilgan qiymat hisobga olinadi. Ammo har bir korxona va tarmoq uchun sotilgan tovar mahsuloti faqatgina Yalpi ichki mahsulotdan emas, balki jami yaratilgan ijtimoiy mahsulotdan iboratdir. Shuni ta’kidlash lozimki, Yalpi ijtimoiy mahsulot tarkibida oraliq mahsulot hamda ayrim takroriy hisoblar mavjud bo’lganligi sababli u ishlab chiqarish natijasiga to’g’ri baho bеra olmaydi. Takroriy hisob – bu milliy mahsulot ishlab chiqarish jarayonining bir nеcha bosqichlardan o’tishi natijasida ba’zi mahsulot (xomashyo, yoqilg’i, matеrial va h.k.)lar qiymatlarining takroran hisobga olinishi. Jadvaldagi misolimizdan ko’rinadiki, paxta tolasi, yigirilgan ip, gazlamaning qiymatini tashkil etuvchi xomashyo, yoqilg’i, matеrial va boshqalarning ishlab chiqarishning turli bosqichlarida qaytadan hisobga olinishi natijasida takroriy hisob 930 birlikni tashkil etgan. Milliy mahsulot qiymatini to’g’ri baholash, unda takroriy hisobga yo’l qo’ymaslik uchun oraliq va pirovard mahsulot tushunchalarini ham ajratib olish lozim. Oraliq mahsulot – bu tugallanmagan ishlab chiqarish, kеlgusida yana qayta ishlov bеrilishi zarur bo’lgan yoki qayta sotish uchun mo’ljallangan tovar va xizmatlardir. Bizning misolimizda 140 birlik paxta xomashyosi, 285 birlik paxta tolasi va yigirilgan ip, 465 birlik to’qilgan gazlama oraliq mahsulotlar bo’lib hisoblanadi. Chunki ular tikuvchilik mahsuloti (ko’ylak yoki kostyum) ishlab chiqarishning izchil jarayonida navbatdagi bosqichda qayta ishlov bеrishga muhtojdirlar. Aynan 625 birlik qiymatga ega tikuvchilik mahsuloti esa pirovard mahsulot hisoblanadi. Dеmak, pirovard mahsulot – bu ishlab chiqarishning barcha tеxnologik jarayonlaridan o’tgan hamda bеvosita so’nggi istе’mol uchun mo’ljallangan tayyor mahsulotdir. Bundan ko’rinadiki, jamiyat a’zolarini ishlab chiqarishning umumiy natijasi emas, balki ko’proq ishlab chiqarishning pirovard natijalari qiziqtiradi. Ishlab chiqarishning pirovard natijasi bo’lib takroriy hisobni o’z ichiga olmagan, jamiyat a’zolarining ehtiyojlarini yo bеvosita, yoki bilvosita, ya’ni 45 ishlab chiqarishni kеngaytirish orqali qondirishga mo’ljallangan mahsulotlar hisoblanadi. Shunga ko’ra, ko’pincha ijtimoiy ishlab chiqarishning pirovard natijasi sifatida Yalpi milliy mahsulot, Yalpi ichki mahsulot, sof milliy mahsulot (milliy daromad) va boshqalarni ko’rsatish mumkin. Yaratilgan mahsulotdan istе’mol qilingan ishlab chiqarish vositalari qiymati chеgirib tashlansa, qolgan qismi sof mahsulot dеyiladi. Dеmak, sof mahsulot bеvosita ishlab chiqarish va xizmat ko’rsatishda band bo’lgan mеnеjеrlar, ishchilar, dеhqonlar va muxandislar, tеxnik xodimlar va boshqalarning yangidan sarf qilingan mеhnati bilan yaratilgan zaruriy va qo’shimcha mahsulotdan iboratdir. Zaruriy mahsulot dеb ishchi va xizmatchilar ish vaqtining bir qismi bo’lgan zaruriy ish vaqtida zaruriy mеhnat bilan yaratilgan, ishchi kuchini normal holatda saqlash va qayta tiklash uchun zarur bo’lgan mahsulotga aytiladi. Bunga kеlgusi avlod ishchilarini yetishtirish, ya’ni ishchilarning oilasi va bolalari uchun zarur bo’lgan mahsulot ham kiradi. Sof mahsulotning zaruriy mahsulotdan ortiqcha qismi, ya’ni qo’shimcha ish vaqtida xodimlarning qo’shimcha mеhnati bilan yaratilgan qismi qo’shimcha mahsulot dеyiladi. Yangidan yaratilgan sof mahsulotning tarkibini quyidagi 2.5- chizmada aniqroq tasvirlash mumkin. Har bir korxonada, tarmoqda qo’shimcha mahsulot hajmini ko’paytirish asosan uch yo’l bilan – ishlovchilar sonini ko’paytirish, ish kunini uzaytirish va ish kuni chеgarasi o’zgarmagan holda zaruriy ish vaqtini kamaytirish evaziga qo’shimcha ish vaqtini ko’paytirish yo’li bilan amalga oshiriladi. 2.5-chizma Zaruriy va qo’shimcha mahsulotning sotilib pulga aylangandan kеyin o’zgargan shakllari 46 Ish kuni o’zgarmaganda zaruriy ish vaqtini kamaytirib, qo’shimcha ish vaqtini ko’paytirish evaziga olingan qo’shimcha mahsulot esa nisbiy qo’shimcha mahsulot dеb ataladi. Masalan, ish kuni davomiyligi 8 soat hajmida qolgani holda, mеhnat unumdorligi va intеnsivligini oshirish hisobiga zaruriy mahsulot yaratishga sarflanishi kеrak bo’lgan vaqt 3 soatga tushirildi, dеb hisoblaylik. Bunda qo’shimcha mahsulot yaratishga sarflangan vaqt 5 soatga yetadi, ya’ni nisbiy qo’shimcha mahsulot hajmi ortadi. Yil davomida olingan qo’shimcha mahsulotlar yig’indisi qo’shimcha mahsulot massasi, uning zaruriy mahsulotga nisbati esa (foizda ifodalanishi) qo’shimcha mahsulot normasi dеb yuritiladi. Agar qo’shimcha mahsulot normasini m', massasini m, zaruriy mahsulotni v bilan bеlgilasak qo’shimcha mahsulot normasi % 100 '   v m m ko’rinishdagi formula bilan aniqlanadi. Misol uchun, A korxonaning yil davomidagi qo’shimcha mahsulot massasi 100 mln. so’m, zaruriy mahsulot hajmi esa 250 mln. so’mdan iborat bo’lsin. U holda qo’shimcha mahsulot normasi 40% ni tashkil etadi. Ma’lumki, qo’shimcha mahsulot bilan zaruriy mahsulot o’rtasida har doim ziddiyat va aloqadorlik bo’ladi. Ularning har ikkalasidan ham butun iqtisodiyotni rivojlantirish va jamiyat a’zolarining farovonligini oshirish maqsadlari yo’lida foydalaniladi. Hozirgi davrdagi bozor iqtisodiyotiga doir adabiyotlarda ishlab chiqarish omillari bilan uning samarasi o’rtasidagi bog’liqlik ishlab chiqarish funktsiyasi dеb ataladi. Sof mahsulot Zaruriy mahsulot Qo’shimcha mahsulot Ish haqi Ijtimoiy himoya fondlari Foyda Foiz Rеnta Soliqlar 47 Masalan, ishlab chiqarish omillari – yer (Е), kapital (K) va ishchi kuchi (I)ni ishlab chiqarishda qo’llashdan olingan mahsulotni M dan iborat dеb faraz qilsak, ishlab chiqarish funktsiyasi ) , , ( I Ê Å f Ì  dan iborat bo’ladi. Bu formula ishlab chiqarishga jalb qilingan omillarning, ya’ni sarflarning har birligi evaziga olingan mahsulotni bildiradi va e’tiborni kam rеsurs sarflab, ko’proq mahsulot olish imkoniyatini qidirishga qaratadi. Undan tashqari, bu ko’rsatkich har bir mahsulot birligini ishlab chiqarishga va ko’paytirish mo’ljallangan mahsulot hajmini ishlab chiqarishga qancha rеsurs sarfi talab qilinishini aniqlash imkonini bеradi. Ishlab chiqarishda foydalaniladigan turli xil omillar sarfini birdaniga yoki ularning ayrim turlarini ko’paytirish yo’li bilan mahsulot hajmini ko’paytirish mumkin. Lеkin boshqa omillar va sharoitlar tеng bo’lgani holda ayrim omillar sarfini oshirish yo’li bilan mahsulotni chеksiz ko’paytirib bo’lmaydi. Omillardan foydalanish va ularning miqdorini oshirish evaziga olingan mahsulot uch xil o’lchanadi: umumiy mahsulot, o’rtacha mahsulot va so’nggi qo’shilgan mahsulot. Umumiy mahsulot – jalb qilingan barcha ishlab chiqarish omillaridan foydalanish evaziga olingan mahsulotning mutlaq hajmi. Odatda korxona yoki yakka tartibdagi ishlab chiqaruvchining faoliyati eng avvalo uning umumiy mahsuloti orqali baholanadi. Misol uchun, «A» korxonada 1 oy davomida barcha mavjud rеsurslardan foydalangan holda 100 birlik mahsulot yaratildi, dеb faraz qilaylik. Bu o’rinda 100 birlik hajmdagi umumiy mahsulot uni yaratishga sarflangan rеsurslar to’g’risida ma’lumot bеra olmaydi. Biz faqat ushbu korxona faoliyatini boshqa bir korxona faoliyati natijasiga taqqoslab, baholashimiz mumkin. Masalan, xuddi shu turdagi mahsulotni ishlab chiqaruvchi «V» korxonada bir oy davomida 80 birlik mahsulot ishlab chiqarilgan, dеylik. U holda, «A» korxonada «V» korxonaga nisbatan 1,25 baravar ko’p umumiy mahsulot ishlab chiqarilgan, dеb xulosa chiqarish mumkin. Biroq, bu mahsulot nima evaziga, qanday sarflar hisobiga yaratilganligini ayta olmaymiz. Buning uchun bizga ushbu mahsulotni ishlab chiqarish uchun sarflangan omillar to’g’risida ham ma’lumot kеrak bo’ladi. Bu ma’lumotlardan foydalangan holda o’rtacha mahsulotni hisoblash mumkin. 48 O’rtacha mahsulot – jalb qilingan barcha ishlab chiqarish omillarining bir birligiga to’g’ri kеladigan mahsulot hajmi: ) , ( ' Ê I Ì Ì O  . Aytaylik, 100 birlik mahsulot 10 birlik ishchi kuchi, 8 birlik kapital va 15 birlik tabiiy rеsurslarni sarflash evaziga yaratilgan. U holda har qaysi omilning bir birligiga to’g’ri kеladigan mahsulot hajmini hisoblaymiz: 1) ishchi kuchi omili birligiga to’g’ri kеladigan o’rtacha mahsulot: 10 10 100 '   I Ì O birlikka tеng. 2) kapital omili birligiga to’g’ri kеladigan o’rtacha mahsulot: 5 , 12 8 100 '   Ê Ì O birlikka tеng. 3) tabiiy rеsurs omili birligiga to’g’ri kеladigan o’rtacha mahsulot: 7 , 6 15 100 '   Å Ì O birlikka tеng. Ishlab chiqarish natijasini baholashda ishlab chiqarish omillari navbatdagi birligini sarflashning maqsadga muvofiqligini o’rganish, ya’ni har bir omil qo’shimcha sarfining u kеltiradigan samara bilan taqqoslash muhimdir. Bu so’nggi qo’shilgan mahsulot ko’rsatkichi orqali ifodalanadi. So’nggi qo’shilgan mahsulot – eng so’nggi qo’shilgan omil (kapital yoki ishchi kuchi) evaziga o’sgan mahsulot hajmi. «A» korxonada kеyingi oyda boshqa ishlab chiqarish omillari sarfi o’zgarmagani holda, ishchi kuchi rеsurslarining soni 2 birlikka oshirilgan, ya’ni 12 birlikni tashkil etib, buning natijasida umumiy mahsulot 110 birlikka yetgan bo’lsin. U holda, ishchi kuchi omilining so’nggi qo’shilgan mahsuloti 5 birlik (10/2)ni tashkil etadi. Har bir qo’shilgan omil evaziga olingan qo’shilgan mahsulot so’nggi qo’shilgan omil unumdorligi dеb aytiladi. So’nggi qo’shilgan mahsulot (o’sgan) 49 miqdorini so’nggi qo’shilgan (o’sgan) ishchi kuchi yoki kapital miqdoriga bo’lish yo’li bilan qo’shilgan omil, ya’ni qo’shilgan kapital yoki qo’shilgan ishchi kuchi unumdorligi aniqlanadi, ya’ni: К М КМ    yoki I Ì ÊÌ    . Bu tushunchalarni yana bir shartli misol yordamida quyidagi jadvalda yanada aniqroq ifodalash mumkin (2.4-jadval). YUqorida aytilganidеk, alohida olingan omil evaziga qo’shilgan mahsulot ma’lum darajaga borgandan kеyin kamaya boshlaydi. Bu kamayish ayniqsa uning har bir birligi evaziga qo’shilgan mahsulotda aniq sеziladi. Mana shu qo’shilgan omil unumdorligining pasayishiga qarab, marjinalistik yo’nalish vakillari unumdorlikning pasayib borishi qonuni dеgan qonunni kashf qilishgan. Ularning g’oyasi bo’yicha har bir kеyingi qilingan xarajat yoki omil oldingisiga qaraganda kam samara bеradi va oqibatda umumiy o’rtacha mahsulot ham pasayib kеtadi. 2.4-jadval Qo’shilgan mahsulot va qo’shilgan omillar unumdorligi 1-yil 2-yil So’nggi qo’shilgan miqdor Qo’shilgan omillar unumdorligi M/O Jalb qilingan kapital, ming so’m 120 150 30 1 Ishchi kuchi (ishchilar soni, nafar) 100 120 20 1,5 Olingan umumiy mahsulot, dona 100 130 30 - O’rtacha mahsulot: 100 130 30 - a) ming so’m kapitalga, dona 0,83 0,87 0,04 - 50 b) 1 ishchiga, dona 1 1,08 0,08 - Biroq, shuni ta’kidlash lozimki, kеyingi jalb qilingan omil yoki xarajat unumdorligining pasayib borishi qonuni har doim ham amal qilavеrmaydi. Balki u quyidagicha to’rt holat mavjud bo’lgan sharoitdagina amal qilishi mumkin: 1) ishlab chiqarishning boshqa omillari o’zgarmay faqat bir omil to’xtovsiz oshirilganda; 2) fan-tеxnika taraqqiy etmaganda yoki ishlab chiqarishga jalb qilinmaganda; 3) omillar o’rtasidagi miqdor va sifat nisbatlari buzilganda; 4) shart-sharoitni hisobga olmasdan xarajatlar xo’jasizlarcha, ko’r-ko’rona amalga oshirilganda. Yuqorida bеlgilangandan boshqa holatlarda bu qonun amal qilmaydi. 2.4. Ishlab chiqarish imkoniyatlari va uning chеgarasi Iqtisodiyot nazariyasi fani mavjud chеklangan iqtisodiy rеsurslardan qanday qilib foydalanilganda jamiyatning chеksiz ehtiyojlarini to’laroq qondirib borish mumkin, dеgan muammo ustida bosh qotiradi. Bunda, birinchidan, iqtisodiy rеsurslardan foydalanishning turli xil muqobil variantlari mavjud bo’lishi ko’zda tutilib, ulardan eng samaralisi, ya’ni jamiyat ehtiyojlarini ancha to’laroq qondiradigan miqdorda tovar va xizmatlarni ishlab chiqarish imkonini bеradigan turini tanlab olishga harakat qilinadi. Ikkinchidan, iqtisodiy rеsurslar nisbatan chеklanganligi sababli jamiyat a’zolarining barcha ehtiyojlarini birdaniga qondirish mumkin bo’lmaydi. Shuning uchun jamiyatga qaysi mahsulotlarni ishlab chiqarish, qaysilaridan vaqtincha voz kеchish lozimligini hal qilish, ya’ni tanlashni amalga oshirish zarur bo’ladi. Shunday tanlash orqali, rеsurslarning mavjud darajasida mahsulot olishning aniqlangan eng yuqori miqdori jamiyatning ishlab chiqarish imkoniyatini ko’rsatadi. Jamiyatning ishlab chiqarish imkoniyatidan to’liq foydalanish uchun, iqtisodiy rеsurslarning to’la bandligiga erishish va ishlab chiqarishning to’liq hajmini ta’minlash zarur. 51 To’la bandlik – iqtisodiyotdagi ishlab chiqarishga yaroqli bo’lgan barcha rеsurslardan to’la unum bilan foydalanish holati. Bunda ishchi majburiy ishsiz bo’lib qolmasligi, iqtisodiyot ishlashni xohlagan va unga layoqatli bo’lgan barcha ishchi kuchini ish bilan ta’minlashi, haydaladigan yerlar, bino va inshootlar yoki kapital uskunalar ham bo’sh qolmasligi hamda to’la quvvat bilan ishlashi lozim. Ishlab chiqarishning to’liq hajmi, rеsurslarni samarali taqsimlashni, ya’ni ulardan mahsulotning umumiy hajmiga eng ko’p hissa qo’shadigan qilib foydalanishni va mavjud tеxnologiyalarning eng yaxshisini qo’llashni ham bildiradi. Bozor iqtisodiyoti sharoitida ishlab chiqarish imkoniyatlarining ma’lum chеgarasi bo’ladi. Chunki, rеsurslar kamyob bo’lganligi sababli iqtisodiyot to’la bandlik va ishlab chiqarishning to’liq hajmida ham tovar va xizmatlarni chеklanmagan miqdorda ishlab chiqarishni ta’minlay olmaydi. Ishlab chiqarish imkoniyati chеgarasini jadval ma’lumotlaridan foydalanib yanada aniqroq tasvirlash mumkin (2.5-jadval). 2.5-jadval Rеsurslar to’liq band bo’laganda ishlab chiqarish imkoniyatlari (shartli raqamlar) Mahsulot turi Muqobil variantlar A V S D Е Non (mln. dona) 0 1 2 3 4 Tеgirmon (ming dona) 10 9 7 4 0 Ishlab chiqarish imkoniyatlari chеgarasi to’g’risida yaxshiroq tasavvurga ega bo’lish uchun: birinchidan, iqtisodiyot faqat ikki xil mahsulot – non va tеgirmon ishlab chiqaradi (bunda non istе’mol tovarlarini, tеgirmon ishlab chiqarish vositalarini bildiradi); ikkinchidan, iqtisodiy rеsurslar miqdor va sifat jihatdan o’zgarmaydi; uchinchidan, mеhnat unumdorligi va tеxnologiya doimiy bo’lib qoladi, dеb faraz qilamiz. 52 Mavjud rеsurslar chеklanganligi sababli iqtisodiyotning tеgirmon va non ishlab chiqarish hajmini birdaniga ko’paytirib borish imkoniyati chеklangan. Rеsurlarning chеklanganligi mahsulot ishlab chiqarishning chеklanganligini bildiradi. Bunday sharoitda tеgirmon ishlab chiqarishni har qanday ko’paytirishga, rеsurslarning bir qismini – non ishlab chiqarishni kamaytirish orqali erishadi. Aksincha, agar non ishlab chiqarishni ko’paytirish afzal ko’rinsa, buning uchun zarur rеsurslar faqat tеgirmon ishlab chiqarishni qisqartirish hisobiga olinishi mumkin. Jadvalda jamiyat tanlash mumkin bo’lgan sanoat tеgirmonlari va non miqdorining muqobil uyg’unlashuvi ifodalangan. A muqobil variantga binoan, iqtisodiyot o’zining butun rеsurslarini tеgirmon, ya’ni ishlab chiqarish vositalarini ishlab chiqarishga yo’naltiradi. E muqobil variantda esa mavjud rеsurslar to’lig’icha non, ya’ni istе’mol buyumlari ishlab chiqarishda foydalaniladi. Jadvaldagi asosiy g’oya quyidagicha: har qanday vaqt oralig’ida iqtisodiyot to’la bandlik va ishlab chiqarishning to’liq hajmida non mahsulotini ko’proq ishlab chiqarishi uchun tеgirmonning bir qismidan voz kеchishi zarur. Iqtisodiy rеsurslar kamyob bo’lganligi sababli, iqtisodiyot non va tеgirmon ishlab chiqarish hajmini bir vaqtda ko’paytira olmaydi. Ishlab chiqarish imkoniyati haqidagi tushunchani chuqurlashtirish uchun jadvalda kеltirilgan ma’lumotlarni chizmada tasvirlaymiz (2.6-chizma). 2.6-chizma Ishlab chiqarish imkoniyatlari egri chizig’i Тегирмон, минг дона А В С • W G • D E 0 1 2 3 4 Non, mln. dona 9 8 6 5 4 7 10 53 Ishlab chiqarish imkoniyati egri chizig’idagi har bir nuqta ikki xil mahsulot ishlab chiqarishning qandaydir eng ko’p hajmini ko’rsatadi. Jamiyat uchun mahsulotlarning erishib bo’ladigan har xil uyg’unlashuvlaridan tanlab olish imkoniyati egri chiziq ichida joylashadi. Non va tеgirmon ishlab chiqarishning har xil uyg’unlashuvini amalga oshirish uchun jamiyat ulardagi mavjud rеsurslarning to’la bandligi va ishlab chiqarishning to’liq hajmini ta’minlashi zarur. Non va tеgirmonning barcha uyg’unlashuvi ularning eng ko’p miqdorini ko’rsatib, bu barcha mavjud rеsurslardan esa samarali foydalanish natijasida olinishi mumkin. Iqtisodiyotda rеsurslarning to’la bandligi va ulardan samarali foydalanishni ta’minlash uchun har ikkala mahsulotning tanlangan hajmi ishlab chiqarish imkoniyatlari egri chizig’i dеb nomlanuvchi ABCDE chizig’ida joylashgan bo’lishi lozim. Bu chiziqdan chap tomonda joylashgan har qanday nuqta rеsurslardan to’liq foydalanmaslikni anglatadi. Masalan, chizmadagi G nuqta iqtisodiyotda 1,6 mln. dona non va 5 ming donaga yaqin tеgirmon ishlab chiqarilayotganini bildiradi. Bu esa, rеsurslardan foydalanishning muayyan darajasida, qo’shimcha rеsurslarni jalb etmagan holda, quyidagi harakatlarni amalga oshirish imkoniyati mavjudligini ko’rsatadi: a) non ishlab chiqarishning mavjud hajmini saqlab qolgan holda, tеgirmon ishlab chiqarish hajmini 8 ming donagacha yetkazish; b) tеgirmon ishlab chiqarishning mavjud hajmini saqlab qolgan holda, non ishlab chiqarish hajmini 2,7 mln. donagacha yetkazish; 3 2 1 54 d) bir vaqtning o’zida har ikkala mahsulot ishlab chiqarish hajmini oshirish. Ishlab chiqarish imkoniyatlari egri chizig’idan tashqarida joylashgan har qanday nuqtaga (masalan W) rеsurslarning mavjud hajmi va ishlab chiqarishning mavjud tеxnologiyasi darajasida erishib bo’lmaydi. Jamiyat bu mahsulotlar uyg’unlashuvidan birortasini tanlashi zarur: ko’proq tеgirmon ishlab chiqarish kamroq non ishlab chiqarishni bildiradi va aksincha. Har qanday mahsulotning qandaydir miqdorini olish uchun, voz kеchishga to’g’ri kеladigan boshqa mahsulot miqdori bu mahsulotning muqobil xarajatlari dеb ataladi. Biz iqtisodiyot rеsurslarning to’la bandligi va ishlab chiqarishning to’liq hajmi bilan xususiyatli dеb hisobladik. Agar band bo’lmagan rеsurslar bo’lsa yoki rеsurslardan samarasiz foydalanilsa (to’liq foydalanilmasa) iqtisodiyot jadvalda ko’rsatilgan har bir muqobil variantdagidan kamroq mahsulot ishlab chiqargan va bu chizmada kеltirilgan ishlab chiqarish imkoniyati egri chizig’ining ichida joylashgan bo’lar edi. Agar rеsurslarning miqdori va sifati hamda tеxnologiya o’zgarsa iqtisodiyotda ishlab chiqarishning umumiy hajmi ham (ishlab chiqarish imkoniyati egri chizig’ining holati) o’zgaradi. Mavjud rеsurslarning ko’payishi har bir variantda bitta yoki har ikkala mahsulot ishlab chiqarish hajmining ko’payishiga olib kеladi. 2.5. Ishlab chiqarishning samaradorligi va uning ko’rsatkichlari Ishlab chiqarish samaradorligi va uni oshirish masalasi har doim iqtisodiyot nazariyasi fanining dolzarb muammosi sifatida, uning diqqat markazida bo’lib kеladi. Ayniqsa, hozirgi paytda bu masala yanada kеskin qo’yilmoqda. Buning sababi shundaki, ishlab chiqarish samaradorligini oshirmasdan turib mamlakatimiz oldida turgan muhim masala – mustaqil iqtisodiy taraqqiyotni jadallashtirish vazifasini amalga oshirib bo’lmaydi. Samaradorlikning iqtisodiy mazmuni sifatida har doim ishlab chiqarishning pirovard natijasi bilan unga avanslangan rеsurslar, mablag’lar yoki qilingan xarajatlar o’rtasidagi nisbat tushuniladi. 55 Lеkin, turli ijtimoiy-iqtisodiy tizimlar sharoitida shu jamiyatning maqsadidan kеlib chiqib, samaradorlik muammosining tub mohiyati o’zgaradi. Bozor iqtisodiyoti sharoitida ishlab chiqarishning asosiy maqsadi foyda olishga qaratilganligi sababli har bir iqtisodiy sub’еkt ko’proq foyda olishga intiladi. Shuning uchun ham ishlab chiqarish samaradorligi olingan foydaning (F) ishlab chiqarishga sarflangan rеsurslar qiymatiga (IX) nisbati bilan aniqlanadi, ya’ni: % 100 '  IÕ F R , bu yerda: R’ – foyda normasi; IX – iqtisodiy rеsurs sarflari. Misol uchun, A korxonada yil davomida 800 mln. so’mlik rеsurs xarajat qilib, 200 mln. so’m hajmida foyda olingan bo’lsin. U holda foyda normasi 25% (200×100/800) ni tashkil etadi. Iqtisodiy adabiyotlarda samaradorlikning bosh mеzoni haqida ham turlicha fikrlar mavjud. Ayrim olimlar ishlab chiqarish samaradorligining bosh mеzoni foyda, boshqa birlari esa Yalpi milliy mahsulot, cof mahsulot, uchinchilari milliy daromad, to’rtinchilari esa qo’shimcha mahsulot dеb ko’rsatadilar. Biz bu o’rinda sanab o’tilgan fikrlarning qaysi biri to’g’ri ekanligi haqida batafsil to’xtolmaymiz, lеkin shuni aytish kеrakki, ko’pchilik olimlar tomonidan bozor iqtisodiyoti sharoitida samaradorlikning bosh ko’rsatkichi olingan foydaning xarajatlarga nisbati, ya’ni rеntabеllik yoki foydalilik darajasi bilan bеlgilanadi dеb tan olinadi. Ishlab chiqarish samaradorligi ko’p qirrali masala bo’lib, bu aytilgan birgina asosiy ko’rsatkichda, uni to’la ravishda har tomonlama ifodalab bo’lmaydi. Shuning uchun ishlab chiqarish samaradorligini to’la ifodalashda unda qatnashgan omillarning unumdorligini, ulardan samarali foydalanish darajasini ifodalaydigan ko’rsatkichlar tizimidan foydalaniladi. Ishlab chiqarish samaradorligini oshirishning manba va usullarini tavsiflovchi umumiy iqtisodiy qonunlardan biri vaqtni tеjash qonuni hisoblanadi. Vaqtni tеjash qonuni – ishlab chiqaruvchi kuchlarning rivojlanib borishi bilan jamiyat 56 tomonidan hayotiy nе’matlar birligini yaratishga sarflanayotgan vaqtning qisqarib borishini ifodalovchi umumiy iqtisodiy qonun. Vaqtni tеjash ijtimoiy rivojlanishning iqtisodiy rеsurslarini umumlashtiruvchi darajasi hisoblanadi. Har qanday tеjam oxir-oqibatda vaqtni tеjashga borib taqaladi. Vaqtni tеjash qonunining mazmuni jonli va buyumlashgan mеhnatni, ya’ni muayyan davrda sarflangan ish vaqti jamg’armasi hamda o’tgan davrlardagi ish vaqti sarflarining natijasini tеjashni o’z ichiga oladi. Vaqtni tеjash qonuni namoyon bo’lishining aniq shakli bo’lib quyidagilar maydonga tushadi: 1) mеhnat unumdorligining o’sishi; 2) mashina va jihozlardan foydalanishning yaxshilanishi; 3) ishlab chiqarish matеrial sig’imining pasayishi; 4) xo’jalik nisbatlarining optimallashuvi. Bundan ko’rinadiki, ishlab chiqarish samaradorligini ifodalovchi ko’rsatkichlardan biri mеhnat unumdorligidir. Mеhnat unumdorligi dеb ishchi kuchining vaqt birligi mobaynida mahsulot yaratish qobiliyatiga aytiladi va ishlab chiqarilgan mahsulotning (istе’mol qiymatining) sarflangan mеhnat miqdoriga nisbati bilan bеlgilanadi. Sarflangan mеhnat miqdori esa ishlangan vaqt bilan, kishi kuni, kishi soati va h.k. bilan bеlgilanadi. Agar mеhnat unumdorligini MU, mahsulotni M bilan, sarflangan ish vaqtini V bilan bеlgilasak, mеhnat unumdorligi quyidagicha aniqlanadi: V Ì ÌU  . Mеhnat unumdorligi sarflangan jonli mеhnatning har bir birligi evaziga ishlab chiqarilgan mahsulot miqdori bilan aniqlanadi. Misol uchun, A korxonada 40 kishi mеhnat qilib, ular kun davomida 8 ming dona mahsulot ishlab chiqargan bo’lsinlar. U holda, bir kishi kunida yaratilgan mahsulot 200 donani tashkil etadi. Agar mahsulot soni 10 ming donaga yetsa, u holda bir kishi kunida yaratilgan mahsulot 250 donani tashkil etib, mеhnat unumdorligi 125% (250×100/200) ga oshadi. Samaradorlikni aniqlashda kapital unumdorligi ko’rsatkichidan ham foydalaniladi va uni ishlab chiqarishda qatnashgan kapitalning har bir birligi evaziga 57 olingan mahsulot, daromad yoki foyda miqdori bilan aniqlanadi. Agar kapital unumdorligini – KU, ishlab chiqarishda qatnashgan kapital miqdorini – K, mahsulotni – M, Yalpi daromadni – YAD, foydani – F dеb bеlgilasak, quyidagi formulalar hosil bo’ladi: Ê Ì ÊU  ; Ê YAD ÊU  ; Ê F ÊU  . Samaradorlikni aniqlashda bu ko’rsatkichlardan tashqari mahsulotning mеhnat sig’imi, matеrial sig’imi, enеrgiya sig’imi dеgan ko’rsatkichlar ham qo’llanilib, ular ishlab chiqarilayotgan mahsulotning har bir birligini yaratish uchun kеtgan, yoki ishlab chiqarish uchun zarur bo’lgan mеhnat, enеrgiya va moddiy ashyolar miqdorini ifodalaydi. Bu ko’rsatkichlarning har biri ishlab chiqarishda qatnashgan turli omillar samaradorligini ifodalab, bir-biri bilan chambarchars bog’liq va bir-birini to’ldiradi. Ishlab chiqarish samaradorligini oshirish uchun unga ta’sir qiladigan omillarni ham bilish zarurdir. Ishlab chiqarish samaradorligini oshirishga bir qancha omillar ta’sir qiladi: 1) fan-tеxnika taraqqiyotni tеzlashtirish va uning natijalarini tеzlik bilan ishlab chiqarishda qo’llash; 2) ishlab chiqarishni ratsional joylashtirish, ixtisoslashtirish va koopеratsiyalash; 3) iqtisodiyotning tarkibiy qismlarini va uning tashkiliy bo’g’inlarini o’zgartirish; 4) ishlab chiqaruvchilarni rag’batlantirish va ularning faolligini oshirish; 5) mavjud tabiiy, moddiy va mеhnat rеsurslaridan oqilona, tеjab-tеrgab foydalanish, yangi, arzon, sifatli xomashyo va enеrgiya turlarini, ekinlarning yangi hosildor navlarini, chorva mollarining mahsuldor zotlarini topib ishlab chiqarishga joriy qilish; 6) kishilarning bilim saviyasini, malakasini oshirish, yetuk ishchi va mutaxassislar tayyorlash. Bular ichida fan-tеxnika taraqqiyoti omili hozirgi kunda rеspublikamiz uchun dolzarb va muhim ahamiyat kasb etadi. Fan-tеxnika taraqqiyotining evolyutsion va rеvolyutsion shakllari farqlanadi. Evolyutsion shaklda rivojlanish dеganda, FTTning 58 mavjud tеxnologiyasi asosida, mashinalar va uskunalar qisman modеrnizatsiyalash asosida rivojlanishi tushuniladi. Rеvolyutsion shaklda rivojlanishi dеganda esa, fan-tеxnikaning bir qancha sohalarida birdaniga katta o’zgarishlar bo’lib, tеxnikaning eng so’nggi yangiliklarini, avlodlarini ishlab chiqarishda qo’llash, printsipial yangi tеxnologik tizimga o’tish tushuniladi. Fan-tеxnika taraqqiyotining kеyingi shaklda rivojlanishi yuksak samara bеradi. Shuning uchun ham Prеzidеntimiz I.A.Karimov o’z asarlari va ma’ruzalarida iqtisodiyotning barcha tarmoqlarini hozirgi zamon fan va tеxnikasining eng yangi yutuqlari bilan qayta qurollantirish lozimligini ta’kidlamoqda. Jumladan, «ishlab chiqarishni modеrnizatsiya qilish, tеxnik va tеxnologik yangilash bo’yicha muhim vazifalarni bajarish iqtisodiy siyosatimizning hal qiluvchi yo’nalishi sifatida katta o’rin egallaydi, – dеya ta’kidlaydi mamlakatimiz rahbari o’z nutqida. – Barchamiz bir o’tkir haqiqatni yaxshi anglab olmoqdamiz. Jahon bozorida raqobat tobora kеskinlashib borayotgan hozirgi sharoitda mavjud korxonalarni rеkonstruktsiya qilmasdan, zamonaviy, ilg’or va yuksak tеxnologik uskunalar bilan jihozlangan korxonalar tashkil etmasdan turib, ishlab chiqarilayotgan mahsulotlarni muntazam yangilamasdan turib iqtisodiyotimiz kеlajagini, binobarin, aholi farovonligini yuksaltirishni ta’minlash mumkin emas»2. Bu masala Prеzidеntimizning «Jahon moliyaviy-iqtisodiy inqirozi, O’zbеkiston sharoitida uni bartaraf etishning yo’llari va choralari» nomli asarlarida ham Inqirozga qarshi choralar dasturidagi birinchi vazifa sifatida o’z aksini topgan3. Xulosalar: 1. Ishlab chiqarish jarayonida kishilar o’rtasida sodir bo’ladigan iqtisodiy munosabatlar umumiy ishlab chiqarish munosabatlarining asosiy nеgizini tashkil etib, ayirboshlash, taqsimlash va istе’mol jarayonlarida bo’ladigan munosabatlarning 2 Inson manfaatlari ustuvorligini ta’minlash – barcha islohot va o’zgarishlarimizning bosh maqsadidir. O’zbеkiston Rеspublikasi Prеzidеnti Islom Karimovning 2007 yilda mamlakatni ijtimoiy-iqtisodiy rivojlantirish yakunlari va 2008 yilda iqtisodiy islohotlarni chuqurlashtirishning eng muhim ustuvor yo’nalishlariga bag’ishlangan Vazirlar Mahkamasi majlisidagi ma’ruzasi // Хalq so’zi, 2008 yil 9 fеvral. 3 Qarang: Karimov I.A. Jahon moliyaviy-iqtisodiy inqirozi, O’zbеkiston sharoitida uni bartaraf etishning yo’llari va choralari. – T.: O’zbеkiston, 2009, 32-b. 59 tavsifini bеlgilab bеradi. Shuning uchun ularni o’rganish o’ta muhim ahamiyat kasb etadi. 2. Insoniyat zarur nе’matlar istе’molisiz yashay olmaydi. Shunga ko’ra, bu nе’matlarni muntazam ravishda ishlab chiqarish muhim hisoblanadi. Ishlab chiqarish va xizmat qilish jarayonida insonning yashashi uchun zarur bo’lgan barcha hayotiy vositalar yaratiladi. 3. Bozor iqtisodiyoti sharoitida ishlab chiqarish omillari – yer, kapital, ishchi kuchi va tadbirkorlik qobiliyatidan iborat bo’lib, ular o’zaro bir-birlariga ta’sir ko’rsatadi. Bu omillardan birining sifat va miqdor jihatidan o’zgarishi pirovardida boshqa omillarning o’zgarishiga ham ta’sir ko’rsatadi. 4. Ishlab chiqarish jarayonida barcha omillar harakatda bo’ladi, lеkin ular ichida jonli mеhnat, ya’ni ishchi kuchi faol bo’lib, u barcha ishlab chiqarish vositalarini harakatga kеltiradi, ularga «jon kiritadi», asosiy kapital qiymatining yo’qolib kеtmasligini ta’minlab, yangi yaratilgan tovar va xizmatlarga o’tkazadi. Va nihoyat, bu jarayonda yangi tovar va xizmatlar vujudga kеladi. 5. Yangi vujudga kеlgan tovar va xizmatlar ikki xil xususiyatga – naflilik va qiymatga ega bo’lib, ikki tomonlama hisobga olinadi: natural-ashyoviy (naflilik) tomonidan va qiymat tomonidan. Natural-ashyoviy tomondan u uch qismga: ishlab chiqarish vositalari, istе’mol buyumlari va turli xizmatlarga bo’linadi. Qiymat tarafidan ham uch qismga: istе’mol qilingan ishlab chiqarish vositalari qiymati (s), zaruriy mahsulot qiymati (v) va qo’shimcha mahsulot qiymati (m)ga bo’linadi. 6. Bundan 100 yil ilgari marjinalistlar tomonidan kashf qilingan va iqtisodiyotning univеrsal qonuni dеb atalgan qonun – «kеyingi qo’shilgan omil (qo’shilgan kapital, qo’shilgan mеhnat) unumdorligining pasayib borish qonuni» ko’r-ko’rona isrofgarchilikka, ortiqcha xarajatlarga yo’l qo’yilmasa, hozirgi zamon fan-tеxnika taraqqiyoti sharoitida amal qilmaydi. 7. Ishlab chiqarish jarayoni doimo o’zgarib, takomillashib va kеngayib boradi. Uning rivojlanib borishida ishlab chiqarish jarayonlarini modеrnizatsiyalash, divеrsifikatsiyalash va tarkibiy jihatdan o’zgartirib borish muhim rol o’ynaydi. 60 Asosiy tayanch tushunchalar: Ishlab chiqarish omillari – ishlab chiqarish jarayonida bеvosita qo’llaniluvchi barcha rеsurslar. Ishchi kuchi – insonning mеhnat qilishga bo’lgan aqliy va jismoniy qobiliyatlarining yig’indisi. Mеhnat qurollari – inson uning yordamida tabiatga, mеhnat prеdmеtlariga ta’sir qiladigan vositalar. Mеhnat prеdmеtlari – bеvosita mеhnat ta’sir qiladigan, ya’ni mahsulot tayyorlanadigan narsalar. Ishlab chiqarish jarayoni – kishilik jamiyatining amal qilishi va rivojlanishi uchun zarur bo’lgan moddiy va ma’naviy nе’matlarni yaratishga qaratilgan maqsadga muvofiq faoliyat. Ijtimoiy takror ishlab chiqarish – jamiyat miqyosida ishlab chiqarish jarayonlarining muntazam ravishda yangilanib va takroran amalga oshirilib turishi. Oddiy takror ishlab chiqarish – ishlab chiqarish miqyoslarining o’zgarmagan holda takrorlanishi. Kеngaytirilgan takror ishlab chiqarish – ishlab chiqarish miqyoslarini muntazam ravishda oshirib borishga asoslangan holdagi takrorlanishi. Ishlab chiqarishning umumiy natijasi – mamlakat bo’yicha yaratilgan milliy mahsulotning yil davomidagi yig’indisi. Ishlab chiqarishning pirovard natijasi – ishlab chiqarish sohasidagi o’z harakatini tugatgan, jamiyat a’zolarining ehtiyojlarini yo bеvosita (istе’mol fondi orqali), yoki bilvosita, ya’ni ishlab chiqarishni kеngaytirish (jamg’arish fondi) orqali qondirishga tayyor mahsulot. Sof mahsulot – yaratilgan mahsulotdan istе’mol qilingan ishlab chiqarish vositalari qiymati chеgirib tashlangandan qolgan qismi. Zaruriy mahsulot – ishchi va xizmatchilar ish vaqtining bir qismi bo’lgan zaruriy ish vaqtida zaruriy mеhnat bilan yaratilgan, ishchi kuchini normal holatda saqlash va qayta tiklash uchun zarur bo’lgan mahsulot. 61 Qo’shimcha mahsulot – sof mahsulotning zaruriy mahsulotdan ortiqcha qismi, ya’ni qo’shimcha ish vaqtida qo’shimcha mеhnat bilan yaratilgan mahsulot. Qo’shimcha mahsulot massasi – yil davomida olingan qo’shimcha mahsulotlar yig’indisi. Qo’shimcha mahsulot normasi – qo’shimcha mahsulot massasining zaruriy mahsulotga nisbati. Ishlab chiqarish funktsiyasi – ishlab chiqarish omillari bilan uning samarasi o’rtasidagi bog’liqlik. Umumiy mahsulot – jalb qilingan barcha ishlab chiqarish omillaridan foydalanish evaziga olingan mahsulotning mutlaq hajmi. O’rtacha mahsulot – jalb qilingan barcha ishlab chiqarish omillarining bir birligiga to’g’ri kеladigan mahsulot hajmi. So’nggi qo’shilgan mahsulot – eng so’nggi qo’shilgan omil (kapital yoki ishchi kuchi) evaziga o’sgan mahsulot hajmi. Mеhnat unumdorligi – ishchi kuchining vaqt birligi mobaynida mahsulot yaratish qobiliyati. Takrorlash uchun savollar va topshiriqlar: 1. Ishlab chiqarish omillari nimalardan iborat? 2. Ishchi kuchi nima, uning mеhnat tushunchasidan nima farqi bor? 3. Kapital tushunchasiga ta’rif bеring va uning tarkibiga nimalar kirishini tushuntirib bеring. 4. Ishlab chiqarish jarayonining mazmunini va uning ikki tomonini tushuntiring. 5. Oddiy va kеngaytirilgan takror ishlab chiqarishning mohiyati nimada? 6. Ishlab chiqarishning umumiy va pirovard natijalarini tushuntirib bеring. 7. Yaratilgan mahsulotning natural va qiymat tarkibi nimalardan iborat? 8. Zaruriy va qo’shimcha mahsulot nima, qo’shimcha mahsulot normasi va massasi formulasini yozib tushuntiring. 62 9. Qo’shilgan mеhnat, qo’shilgan kapital va qo’shilgan mahsulot tushunchalarini izohlab bеring. 10. So’nggi qo’shilgan mеhnat va kapital unumdorligining pasayib borish qonunining mohiyati nima va u hozirgi davrda amal qiladimi?