ОБЪЕКТ ҚУРИЛИШИ ҚИЙМАТИНИ АНИҚЛАШДА МАШИНА ВА МЕХАНИЗМЛАРДАН ФОЙДАЛАНИШ ХАРАЖАТЛАРИНИ ШАКЛЛАНТИРИШ 1. Қурилиш машина ва механизмлардан фойдаланиш харажатларини шакллантириш смета ресурс нормалари 2.Объектнинг жорий нархлардаги дастлабки баҳосини аниқлашда машина ва механизмлар эксплуатацияси учун сарфланадиган харажатларини аниқлаш 3.Машина ва механизмлар эксплуатациясининг жорий нархлардаги қиймати Қурилиш машина ва механизмлардан фойдаланиш харажатларини шакллантириш смета ресурс нормалари Қурилиш машина ва механизмларидан фойдаланиш смета ресурс нормалари тўплами жорий нархда машина-соат баҳосини ҳисобли аниқлашда қўлланилади ва муқаррар тартибда қурилишни давлат бюджети маблағининг ҳамма босқичида ва мақсадли бюджет фондларида ишлатилади. Агар қурилиш бошқа манбалар орқали молиялаштирилса кўрсатилган машиналардан фойдаланиш смета ресурс нормалари тавсиявий характерга эга. Машиналардан фойдаланиш смета ресурс нормалари мазкур машинанинг асосий техник ўлчамлари (экскаваторлар учун ковш ҳажми, бульдозерлар учун қуввати, кранлар учун юк кўтариш қобилияти)ни дифференциациялаш, ўлчов хиллари ва гуруҳлар бўйича ишлаб чиқилган. смета ресурс нормалари машиналарни маркаси, ўлчов хилларининг гуруҳларини ўртача ўлчов бўйича ташкил этилган. Смета ресурс нормалари дифференциациялашган, ўлчов хиллари гуруҳлари, қурилиш, монтаж, махсус қурилиш ишлари, технологик ускуна- ларни монтаж этиш ишлари, ҳамда машиналарнинг хиллари бўйича керакли бўлимларга бирлаштирилган: - ер ишлари машиналари; - тракторлар; - кранлар, кўтаргичлар, трубаётқизувчилар; - юкловчилар, автокўтаргичлар, домкратлар, лебедкалар; - йўл ва аэродром қурилиши машиналари; - бетон ва қурилиш қоришмаларини тайёрлаш ташиш ва ётқизиш машина-лари; - устунқозиқ қоқиш ишлари машиналари;инженерлик комму- никацияларни таъмирлаш ва ётқизиш машиналари; - бурғулаш ишлари машиналари; - тоғ-кон ковлаш ишлари машиналари; - гидротехник қурилиши машиналари; - ободонлаштириш ва кўкаламзорлаштириш машиналари; - компрессорлар; - насослар ва сув сатҳини пасайтириш ускуналари; - кўчма электростан-циялар ва пайвандлаш учун ускуналар; - пардозлаш учун машиналар; - технологик авто-транспорт воситалари; - механизациялашган қўл асбоблари; - ишлаб чиқариш масалалари ва б.қ. Смета ресурс нормалари ўртача ойлик вақтини 1 машина-соатда белгилаб улардан фойдаланишни ўз ичига киритади: - машиналарни технологик жараённи бажаришда қатнашиш вақти, шу билан бирга автотранспорт воситаларини – механизация базасидан (қурилиш майдони) қурилиш майдонига (механизация базасига) харакатланиш вақти; - тез ишдан чиқувчи қисмларини, кесувчи асбобларни ва ишчи ускуналарни алмаштириш вақти; - қурилиш майдони доирасида машиналарни иш фронти бўйича харакатланиш вақти; - қурилиш монтаж ишларини бажараётганда машина ишларини технологик танаффус вақти; - машинани ишга тайёрлаш ва иш тугагандан сўнг уни топшириш вақти; - ҳар ойда машиналарга техник хизмат кўрсатиш вақти; - машинистларни иш пайтидаги танаффуси (машинистлар,экипажлар) меҳнат тўғрисидаги қонун билан чегараланади. Смета ресурс нормаларида механизациялашган қурилиш жараёнида, лекин машиналарни бевосита бошқаришда банд бўлмаган ишчилар (такелажниклар, монтажниклар, труба ётқизувчилар)ни меҳнат сарфи ҳисобига олинмаган; Шу билан бирга пайвандчилар, механизациялаштирилган асбоблар билан ишловчи ишчилар, ҳамда қўл кучи билан харакатланувчи механизмлар (қўл лебедкалар, домкратлар ва ш.к.) ва оддий ва маҳсус усул (лой қориш- маси комплексидан ташқарии) билан ишловчи тоғ-кон ускуналари ва машиналарга хизмат кўрсатувчи алоҳида шахсларни меҳнат сарфи ҳисобга олинмаган. Кўчма электростанциядан электр энергия олинганда, электроэнергия харажатига фойдаланилаётган қурилиш машиналари ишлатилаётган электр станция маркаси аниқланган ҳолда тузатиш киритилади. Смета ресурс нормалари земснарядларга, перекачка станцияларига, гидромонитор – насос – землесос ускуналари ва станцияларига, музлатгич станцияларига маълум технологик комплекс таркибига кирувчи барча комплекс машиналар харажатини ҳисобга олади. Машиналарни техник тавсифномаси тўпламда кўрсатилгандан фарқ қилса, интерполяция ва экстрополяция усулларини қўллашга йўл қўйилади. Импорт қурилиш машиналари ўзининг вазифаси ва техник ўлчамлари, Ушбу тўпламда кўрсатилган ўхшаш машиналарга мос келса, у ҳолда тўпламнинг керакли ресурс смета нормаси қўлланилади. Ўхшаши бўлмаган импорт машиналар учун якка ресурс смета нормалари ишлаб чиқилади. Бажарилган қурилиш-монтаж ишлари учун пудрат ташкилотлари ва буюртмачи орасидаги ўзаро ҳисоб китоб ушбу тўпламдаги смета ресурс нормалари жорий ҳисоб нархини аниқлаганда фойдаланилган машина-соат қўлланилади. Ресурс смета нормалари қурилиш механизацияси бошқармаси ва қурилиш-монтаж пудратчи ташкилотлар билан ўзаро хисоб қилганда машина-соат жорий нархига белгилашда қўлланилади. Бу ҳисоблар муайян кўрсатилган машина маркасининг норматив ресурс миқдоридан келиб чиққан ҳолда, томонларни шартнома келишуви, машинанинг ишлаш шароитини ҳисобга олиб ишлаб чиқилиши керак. Смета ресурс нормалари ишлаб чиқариш ишларидаги ресурслар сарфини ҳисобдан чиқаришга асос бўлиб хизмат қилмайди. Амортизацион чегирмалар, таъмирлаш ва техник хизмат харажатлари, тез ишдан чиқадиган қисмларни алмаштириш, машиналарни бир қурилиш майдони (механизация базаси)дан бошқа қурилиш майдонига кўчириб ўтиши смета ресурс нормаларида йўқ, чунки физик ресурс кўрсаткичларда ўлчанмайди ва машинанинг 1 машина-соат иши нархи Давархитектқурилишнинг 2004 йил 6 майдаги 31-сонли буйруғи билан тасдиқланган «қурилиш машина ва механизмларидан фойдаланишда жорий нархдаги хисобини аниқлаш методик тавсияномаси асосида, қурилиш техникаси қарамоғидаги ташкилотнинг илгари (базис) даврида шаклланган харажатлардан келиб чиқиб аниқланади. 2. Объектнинг жорий нархлардаги дастлабки баҳосини аниқлашда машина ва механизмлар эксплуатацияси учун сарфланадиган харажатларини аниқлаш Объект қурилишининг дастлабки нархини аниқлашда машина ва механизмлар эксплуатацияси учун жорий нархларда сарфланадиган харажатлар қуйидаги формула ёрдамида ҳисобланади: Сэм = Эм х Цпр, Бу ерда: Эм – машина ва механизмлар эксплуатациясининг соатларда берилган ҳажми; Цпр – машина ва механизмлар эксплуатациясининг соат/сўм даги жорий нархлари. Объектнинг жорий нархлардаги дастлабки баҳосини аниқлашда машина ва механизмлар эксплуатацияси учун сарфланадиган харажатларни қуйидаги асосий техник кўрсаткичлар бўйича бирлаштириб ҳисоблаш тавсия этилади: - ер кавловчи (бир ковшли, кўп ковшли, ўзи юрар, қадам ташловчи, ротор ва ҳк.); - юк кўтарувчи (минорали, кўприк, чорпоя, гусеницали, сузувчи кранлар, автоюкловчилар ва ҳк.); - текисловчи механизмлар (бульдозер, скрепер, автогрейдер ва ҳк.); - тракторлар (гусеницали, ғилдиракли); - устун-қозиқ қоқиш техникаси; - йўл қурилишида ишлатиладиган машина ва механизмлар; - қувурлар ётқизилишида ишлатиладиган машина ва механизмлар; - транспорт қурилишида ишлатиладиган машина ва механизмлар; - пардозлаш ишларида ишлатиладиган машина ва механизмлар; - бошқа ёрдамчи машина ва механизмлар. Объектнинг дастлабки баҳосини аниқлашда машина ва механизмлар эксплуатациясининг жорий нархини (маш/соат) бозор коньюктурасини ҳисобга олган мониторинг ёки белгиланган тартибда ҳисоблаш йўли ёрдамида белгилаш тавсия этилади. 3. Машина ва механизмлар эксплуатациясининг жорий нархлардаги қиймати Пудратчи ташкилотларининг (таклиф этилган нарх) танлов савдосида қатнашиш учун, қурилиш баҳосини жорий нархда аниқлашда ва пудратчи ташкилотларни танлов савдоси ўтказмасдан қурилиш баҳосини жорий нархда аниқлашда қурилиш машина ва механизмларини эксплуатация қилишнинг бир машина соат қиймати Ўзбекистон Республикаси давлат архитектура қурилиш Қўмитаси Капитал қурилишда иқтисодий ислоҳотлар ва нархни шакллантириш маркази томонидан ишлаб чиқилган “Қурилиш машина ва механизмларини эксплуатация қилишнинг жарий нархлар ҳисобини аниқлаш” Услубий кўрсатма, ҳамда ШНҚ 4.03.01-04 Қурилиш машина ва механизмларидан фойдаланиш смета ресурс нормалари тўплами асосида аниқланади. Машина ва механизмлар эксплуатациясининг жорий нархлардаги қиймати қуйидаги формула билан аниқланади: соат/сўм Смаш. = Ао + Ззп + Збич + Зэ + Зсм + Згж + Зтр + Зп Бу ерда, Аяо-Амортизация ажратмалари Ззп- машинани бошқарувчининг (машинист, ҳайдовчи) нинг иш ҳақи харажатлари (ижтимоий суғуртага тўловлар билан) Збич-тез ишдан чиқадига қисмларни алмаштириш харажатлари Зэ-энергия харажатлари Зсм-мойлаш материалларига кетадиган харажатлар Згж- гидравлик ва совутувчи суюқлик харажатлари Зтр-таъмирлаш ва техник хизмат кўтсатиш харажатлари Зп –машинани бир қурилиш майдонидан бошқасига кўчириш харажатлари 1) Амортизация ажратмалари қуйидаги формула билан аниқланади: Ао = Вс х Нао Т х 100 Бу ерда Вс-машинанинг баланс қиймати Нао - амортизация ажартмалари нормаси Т-машинадан бир йиллик фойдаланиш режими, маш.-соат/йил. Т=(365-(52*2+Пд+Пм))*Кр*Кс Бу ерда 365 - бир йилдаги кунлар; 52 - бир йилдаги хафталар сони; 2- ҳафтадаги дам олиш кунлари; Пд-байрам кунлари; Пм-техник химзат кўртсатиш кунлари; Кр-бир смена давомийлиги, соат; Кс –сменалик коэффициенти. 2) Машинистнинг иш ҳақи, маш/соат/сўм.