1 O'ZBEKISTON RESPUBLIKASIDA MEHNAT BOZORINING SHAKLLANISHI VA ISHSIZLIKNI O'ZIGA XOS XUSUSIYATLARI. REJA: KIRISH ASOSIY QISM 1. Mehnat bozorining mohiyati va ijtimoiy-iqtisodiy mazmuni 2. O'zbekistonda mehnat va aholini ijtimoiy muhofaza qilish organlari faoliyatlarining mezonlari va ko‘rsatkichlari 3. O'zbekistonda Mehnat va aholini ijtimoiy muhofaza qilish organlari faoliyatlarining samaradorligini baholash usullari 4. O'zbekiston Respublikasida mehnat bozori va ishsizlikni o'ziga xos xususiyatlari XULOSA FOYDALANILGAN ADABIYOTLAR RO’YXATI 2 KIRISH Mavzuning dolzarbligi. Bozor munosabatlarining rivojlanishi mos ravishda ijtimoiy mehnat sohasidagi munosabatlarning rivojlanishini ham taqozo qiladi. O‘z- o‘zidan ayonki, har qanday iqtisodiy munosabatning tashkiliy-iqtisodiy bazasiz amalga oshishi mushkul. Mehnat munosabatlari amalga oshishining shunday asoslari birinchi navbatda qanday darajadagi tashkiliy tuzilmaning mavjudligi, uning mehnat munosabatlarini barqaror rivojlanishiga ijobiy ta’siri, sohasidagi huquq va kafolatlarning amalga oshishida ko‘mak va imkon berishi bilan belgilanadi. Bu esa ijtimoiy va iqtisodiy munosabatlar rivojlanishining ob’ektiv qonunlaridan samarali foydalanish zarur. O‘z-o‘zidan ayonki, har qanday iqtisodiy munosabatning tashkiliy-iqtisodiy bazasiz amalga oshishi mushkul. Mehnat munosabatlari amalga oshishining shunday asoslari birinchi navbatda Mehnat va aholini ijtimoiy muhofaza qilish organlari faoliyatlarining samaradorligini oshirish va ular samarali shakllanishining sifat ko‘rsatkichi bo‘lgan malakali kadrlar tayyorlash holatiga bog‘liqdir. O’zbekiston Respublikasida ishsizlik va u bilan bog’liq muammolar mehnat bozoridagi ijtimoiy- mehnat munosabatlarining asosiy mazmunini tashkil qiladi. Ishsizlik muammosini o’rganishdan asosiy maqsad aholining ish bilan bandligini yaxshilash orqali mamlakat ishlab chiqarishini kengaytirish va aholi turmush darajasini yanada yaxshilashga aloqador tadbirlar ishlab chiqishdan iborat. Jamiyatdagi ishsizlik darajasini pasaytirish uchun qo’shimcha ishchi o’rinlarini yaratish, ularni ishga tushirish aholining tabiiy o’sishidan orqada qolmasligi kerak. Iqtisodiy nuqtai nazardan ishsizlik deganda — ishchi kuchining ish joyi bilan ta`minlanmaganligi va natijada, uning biron-bir qonuniy daromad manbaiga ega bo’lmasligining muayyan (aniq) holati tushuniladi. Odatda, jahon mamlakatlari ishsizlik tushunchasini BMT, Xalqaro Mehnat Tashkiloti (XMT), Iqtisodiy hamkorlik va rivojlanish jamiyati talablariga ko’ra ishlab chiqishadi. Xalqaro tashkilotlarning bergan ta`rifiga binoan «ishsiz shaxslar» deganda — ishga ega bo’lmagan, ishlashga tayyor va ish izlayotgan fuqarolar tushuniladi. Mana shu asosiy shartlarga rioya qilgan holda, turli mamlakatlarda fuqaroni ishsiz shaxs deb 3 e`tirof etish uchun qo’shimcha shartlar talab qilinadi. O’zbekiston Respublikasining «Aholini ish bilan ta`minlash to’g’risida»gi Qonuniga binoan ishsiz shaxs deb, mehnatga qobiliyatli (o’n olti yoshdan boshlab to pensiya bilan ta`minlanish huquqini olgunga qadar), ishga va ish haqiga (mehnat daromadiga) ega bo’lmagan, ish qidiruvchi shaxs sifatida mahalliy mehnat organida ro’yxatga olingan, mehnat qilishga, kasbga tayyorlash va qayta tayyorlashdan o’tishga, malakasini oshirishga tayyor mehnatga qobiliyatli shaxslar e`tirof etiladi. Kurs ishining maqsad va vazifalari: O’zbekiston Respublikasida mehnat bozori hamda ishsizlik va uning o’ziga xos xususiyatlarini o’rganish hamda zarur xulosalarni berish kurs ishimning asosiy maqsad va vazifasi hisoblanadi. Kurs ishining obyekti: Kurs ishimizning obyekti etib O’zbekiston Respublikasining ish bilan band bo’lmagan aholisi olindi va bu aholining qanday qilib ish bilan taminlash masalalari haqida bir qancha ko’rsatmalar berib o’tildi. Kurs ishi tarkibiy jihatdan kirish, asosiy qismda 4 ta reja, xulosa va foydalanilgan adabiyotlar ro’yxatidan iborat. 4 ASOSIY QISM. 1. Mehnat bozorining mohiyati va ijtimoiy-iqtisodiy mazmuni Bugungi kunda iqtisodiyotning oldida turgan dolzarb muammolardan biri mehnat bozorini samarali shakillantirish va rivojlantirishdir. Buning uchun, avvalo, ijtimoiy va iqtisodiy tizimlar rivojlanishining ob’ektiv qonunlaridan savodli foydalanish zarur. Mehnat bozori bozorning boshqa tizimchalari bilan uzviy bog‘langan. Haqiqatdan ham talabga ega bo‘lish uchun ishchi kuchi jismoniy, aqliy va kasbiy qobiliyatlarning belgilangan majmuasiga ega bo‘lishi kerak. Ishlab chiqarish jarayoniga bu qobiliyatlarni tatbiq eta turib, u o‘z iste’mol sifatlarini yo‘qotmasligi uchun doimo qayta ishlab chiqarilishi lozim. Nafaqat o‘zini qayta ishlab chiqarish, balki mehnat resurslari va butun aholining sifat ko‘rsatkichlari ham yaxshilanishi darajasini oshirib yoki pasaytirib, ushbu tengsizlikni yo‘q qilishi mumkin. Ishchi kuchiga jami talab investitsiya va ishlab chiqarish hajmlari bilan tartibga solinadi. Mehnat bozori - bu, mehnatga qobiliyatli aholining ish bilan band bo‘lgan va band bo‘lmagan qismlari va ish beruvchilar o‘rtasidagi munosabatlarni hamda ularning shaxsiy manfaatlarini hisobga oluvchi kontraktlar (mehnat kelishuvlari) asosida “mehnatga qobiliyatlarini” xarid qilish - sotishni amalga oshiruvchi, shuningdek, ishchi kuchiga talab va taklif o‘rtasidagi nisbatlarni bevosita tartibga soluvchi, bozor iqtisodiyotining murakkab, ko‘p aspektli, o‘suvchi va ochiq ijtimoiy-iqtisodiy tizimchasidir. mehnat bozori tarkibiy qismining asosiy elementlariga quyidagilar kiradi: ishchi kuchiga talab va uning taklifi, qiymati, bahosi va yollashdagi raqobat. Talab agrosanoat majmuasi, ishlab chiqarish ijtimoiy infratuzilmasi va xalq xo‘jaligining boshqa sohalari mehnat bozoriga buyurtma etgan, ish haqi fondi, shaxsiy yordamchi xo‘jaliklardan daromadlar va boshqa hayotiy vositalar bilan ta’minlangan ehtiyojning hajmi ishchi kuchiga talab va taklifning hajmi, tarkibi va 5 nisbatini shakllantirish; bozor uslubida xo‘jalik yuritishining iqtisodiy, ijtimoiy va huquqiy mexanizmlari yordamida ishchi kuchiga talab va taklifni tartibga solish; mehnat resurslarining oqilona bandligini ta’minlashga bevosita ta’sir ko‘rsatish; ishsizlar ish topishiga, ularning malakasi va raqobat qobiliyatini oshirishga ko‘maklashish; ishlab chiqarish xarajatlarini qisqartirish va mehnat taqsimotini o‘zgartirishva tarkibini aks ettiradi. Taklif yollanish sharti bilan ishga ega bo‘lishdan manfaatdor bo‘lgan qishloq ishchi kuchining miqdor va sifat (soni, jinsi, yoshi, ma’lumoti, kasbi, malakasi, millati, ishlab chiqishi, daromadi va boshqalar bo‘yicha) tarkibini ifodalaydi. SHuni ta’kidlash joizki, “mehnat bozori” tushunchasining ijtimoiy-iqtisodiy mazmuni va uning tarkibiy qismlarining tadqiqoti mazkur bozorning o‘tish davrida bajariladigan asosiy vazifalarni ham aniqlashga imkon beradi. Mehnatning erkinligi va ixtiyoriyligi - mehnat bozori shakllanishining asosiy sharoiti yohud shartidir. SHu bilan bir qatorda mehnat bozorining shakllanishiga bevosita ta’sir ko‘rsatayotgan bir qator iqtisodiy, ijtimoiy, demografik, tabiiy-iqlimiy va huquqiy shart-sharoitlar va omillar mavjudki, ularni biz quyida batafsilroq ko‘rib chiqamiz. Mehnat bozori (MB) shakllanishining asosiy iqtisodiy shart-sharoiti bo‘lib, yollanma xodimlarni o‘z ishchi kuchlariga nisbatan shaxsiy mulkchiliklari va ish beruvchilarning ish joylariga jamoa yoki xususiy mulkchiligi xizmat qiladi. Bu erda shuni nazarda tutish kerakki, mazkur sub’ektlarni o‘zaro almashuv munosabatiga kirishiga ularning shaxsiy manfaatlari majbur qiladi, uning orqasida shaxsiy iste’molchilik yotadi. Ular ham, o‘z navbatida, qayta takror ishlab chiqarishda aholi ijtimoiy-iqtisodiy turmushining faqat kerakli ijtimoiy ehtiyoji ifodalanishi bo‘ladi. MBining vujudga kelishi ishchi kuchiga talab va taklif o‘rtasidagi muvozanatga erishish uchun o‘zaro raqobat qilishga tayyor erkin va teng huquqli sheriklar iqtisodiy munosabatlarda bo‘lishlarini taqozo etadi. Bozorda yollanma xodim va ish 6 beruvchi shaxsiy erkinlik va iqtisodiy zaruriyat nuqtai nazaridan o‘zaro bog‘langan hamda bir-birlariga qaram bo‘lsalar ham bir-birlariga qarshi turadilar. Ishchi kuchi talab va taklifi o‘rtasida bozor muvozanatiga erishish MBining shakllanishida hal qiluvchi iqtisodiy shartlardan biri hisoblanadi. Ammo bunday muvozanat mavjud emas. Buning asosiy sababi - taklif qilingan mehnatga layoqatli aholi sonining unga talab miqdoriga nisbatan tez o‘sishi. Mehnat bozori kon’yukturasi shakllanishining ijtimoiy shart-sharoitlari ichida yollanma xodimlar va ish beruvchilarning sifat ko‘rsatkichlari oshishi etakchi o‘rin egallaydi. Ish beruvchi va yollanma xodim o‘rtasida tuzilgan mehnat shartnomasi (kontrakt) mehnat bozorida ishchi kuchini sotish, sotib olishning hal qiluvchi huquqiy shart-sharoiti hisoblanadi. Ishchi kuchiga talab va taklif nisbati yaxshilanishiga tabiiy-iqlim sharoitlari muhim rag‘batlantiruvchi omil bo‘lib xizmat qiladi. YUqori unumdor qishloq xo‘jaligi erlarida va etarlicha suv bilan ta’minlangan yashash joylarida ishchi kuchi ko‘proq jamlanadi va ishchi joylari normal faoliyat ko‘rsatadi. YAngi ish joylarini yaratish va ishlab turgan korxonalarni kengaytirish yo‘li bilan ishchi kuchiga talab va taklif o‘rtasidagi muvozanatni ta’minlashga ma’lum darajada imkoniyatlar vujudga keltiriladi. Bu esa, mehnat resurslarining ortiqchalik darajasini, demak, ishsizlik miqyosini ham keskin kamaytirishga bevosita ta’sir etadi. Shu bilan birga ortiqcha mehnat resurslariga ega respublikamiz hududlarida ishchi kuchiga talabning oshishi va uning taklifi pasayishiga bevosita ta’sir etuvchi omillarni tadqiq qilish eng muhim ijtimoiy-iqtisodiy ahamiyat kasb etadi. Ishchi kuchiga talabning oshishini asoslovchi omillarga quyidagilar kiradi: noqishloq xo‘jaligi tarmoqlarda yangi ish joylarini yaratish, mehnat qo‘llaniladigan amaldagi mintaqalarni texnik qayta jihozlash, modernizatsiyalash, qayta ta’mirlash, xorijiy sarmoyalarni jalb qilish, yangi erlarni o‘zlashtirish, qayta ishlash sanoati, xizmatlar ko‘rsatish va shaxsiy mehnat faoliyati ko‘lamini kengaytirish, kichik va o‘rta biznes hamda xususiy tadbirkorlikni rivojlantirish va boshqalar. SHu bilan bir vaqtda ishchi kuchi taklifini va ish joylariga ehtiyojni pasaytiruvchi omillar vujudga keladi va ular 7 ta’sir qila boshlaydi: shaxsiy yordamchi xo‘jalik, yakka mehnat faoliyati, xususiy tadbirkorlik va o‘z-o‘zini band qilishning boshqa sohalarini rivojlantirish, bandlikning egiluvchan va nostandart shakllarini kengaytirish, ishlab chiqarish va mehnatni tashkil qilishning bozor usullarini tatbiq etish, inflyasiya va ishsizlikni pasaytirish, mahalliy kadrlarning mobilligini (safarbarligini) hamda malakasini oshirish va boshqalar. Mehnat resurslari bilan kam ta’minlangan hududlarda esa bir qator omillar ishchi kuchiga talabning pasayishiga ko‘maklashadi. Xususan, bu ijara va xususiy mulkchilikni rivojlantirish, to‘lash qobiliyatiga ega bo‘lmagan yoki ekologik zararli korxonalarni yopish, yangi erlarni o‘zlashtirish ko‘lamini qisqartirish, moddiy- texnikaviy va moliyaviy resurslar ta’minotini yaxshilash, intensiv texnologiyani qo‘llash, mehnat unumdorligini oshirish va hokazo. Bundan tashqari, mazkur hududlarda ishchi kuchi taklifini oshiruvchi omillar mavjud: kadrlarning malakasi, ma’lumoti, mobillik va eksportabellik darajasining pastligi, mehnat resurslari soni o‘sish sur’atining ish joylari miqdoriga nisbatan yuqoriligi, qishloq xo‘jaligida ishlovchilarni ish joyidan ozod etishning ko‘payishi, mehnatni qo‘llash mintaqalarining etishmasligi va boshqalar. SHu bilan birga shunday omillar ham borki, ular kompleks holida ishchi kuchi taklifining shakllanishi holatiga sezilarli darajada ta’sir ko‘rsatadi. Ularga quyidagilar kiradi: ishlashni xohlovchilar, yollangan xodimlar va ish beruvchilarning tabiiy va mexanik harakatlari; turmush uchun zarur bo‘lgan mablag‘lar jamg‘armasi; yollangan xodimlarning pul daromadlari; nafaqaxo‘rlar va bolali ayollarning mehnat va ijtimoiy pensiyalari, imtiyozlari va kafolatlari; kasbiy tayyorlash yoki qayta tayyorlash va malakasini oshirishga zaruriyati bo‘lgan shaxslarni mablag‘lar bilan ta’minlovchi davlat, korxona va oilaning moliyaviy imkoniyatlari; shaxsiy yordamchi xo‘jaligida va yollanmasdan “uy mehnati”da band bo‘lganlar soni; qurolli Kuchlarda xizmat qiluvchilar soni va ularda xizmat qilish muddati; muqobil va malakali kasbiy xizmatlarni takomillashtirish va hokazo. Ishchi kuchiga talabning o‘sishi yoki kamayishi (dinamikasi) quyidagi miqdor va sifat ko‘rsatkichlarining o‘zgarishi bilan aniqlanadi: mavjud bo‘lgan va yangidan 8 yaratiladigan ishchi joylari; investitsiya salohiyati va uning takror ishlab chiqarish tuzilishi; iqtisodiyotdagi tarkibiy o‘zgarishlar; mulkchilik shakllarining turli- tumanligi; korxonalar va tashkilotlarning to‘lovga qodir emasligi (bankrotligi) va hokazo. Demografik jarayonlarga bog’liq holda, yurtimizda mehnat resurslari soni yil sayin ortib bormoqda (1-rasm va 1-jadval). 1-rasm. 1-rasm: Mehnatga layoqatli aholi ko’rsatkichi1. 1-jadval; Mehnatga layoqatli aholi bo’yicha ma’lumotlar. Manba: www.stat.uz rasmiy sayti. 1-jadvaldan ko’rinib turganidek, 2020-2024 yillar davomida mehnat resurslari soni 2093,0 ming kishiga yoki 1,37 foizga ortgan. Bu davrda mehnat resurslari sonining o’rtacha yillik o’sish sur’ati 2,6 foizni tashkil qilgan. Ko’rilayotgan davrda 1 Manba: www.stat.uz rasmiy sayti. 9 mehnat resurslari sonining o’sish sur’ati respublika hududlarida bir me’yorda kechmagan. Jumladan, Andijon, Jizzax, Qashqadaryo, Namangan, Samarqand, Surxondaryo va Farg’ona viloyatlarida respublika o’rtacha ko’rsatkichidan yuqori, qolgan barcha hududlarda (Qoraqalpog’iston Respublikasi, Buxoro, Navoiy, Sirdaryo, Xorazm viloyatlari va Toshkent shahri) esa past bo’lgan. 2022 yilning 1 yanvar holatiga ko’ra, mehnat resurslari jami aholining 59 foizini tashkil qilib, uning asosiy qismi (qariyb 60 foizi) Samarqand, Farg’ona, Andijon, Qashqadaryo, Toshkent viloyatlari va Toshkent shahrida to’plangan. Yangi ish o’rinlarini tashkil etish, iqtisodiyot tarmoqlari tarkibini diversifikasiya qilish, malakali mutaxassislar tayyorlash va shuningdek, 12 yillik majburiy ta’lim tizimiga o’tish borasida ko’rilgan chora-tadbirlar aholining bandlik darajasini yanada oshirish imkonini berdi (2-jadval). 2-jadval O‘zbekistonda 2019-2023 yillar 1 yanvar holatiga ko‘ra aholi sonining o‘zgarish dinamikasi (ming kishi)2* Manba: www.stat.uz rasmiy sayti. Aholining iqtisodiy faollik darajasi bilan bog‘liq xususiyatlar. Demografik omillardan tashqari mehnat qobilyatiga ega aholining turli demografik va etnik guruhlari iqtisodiy faolligi darajasi ham bozor dinamikasining muhim omili hisoblanadi. Masalan, ayollarning ijtimoiy roli faollashishi ta’siri ostida ularning ishchi kuchi tarkibiga jadal jalb qilinishi ishchi kuchi taklifining o‘sishiga olib keldi. Bunda ishlab chiqarish yo’nalishi talab etilayotgan muayyan kasbiy malakaga 2 Manba: www.stat.uz rasmiy sayti. Ko‘rsatkichlar Yillar 2023 yilda 2019 yilga nisbatan o‘zgarishi 2019 2020 2021 2022 2023 +Г foiz Jami aholi soni 27072,2 27533,3 28001,4 28453,7 30123,3 3051,1 111,2 Shundan: Shahar aholisi 9584,6 9758,3 14327,8 14618,4 15897,4 5312,8 165,8 Qishloq aholisi 17487,6 17775,0 13673,6 13835,3 14225,9 -3261,7 81,3 10 ega amaldagi xodimlar soni bilan mavjud ish joylari o’rtasidagi bog’liqlikni ifodalaydi. Qayta hosil qilish yo’nalishi mavjud, yangidan jalb etilayotgan hamda ishdan bo’shayotgan ish kuchi mutanosibligini ta’minlashga qaratilgan. Shaxsiy yo’nalish aholiga ular ehtiyojiga javob beradigan ish joylarini taklif etish xususiyatini aks ettiradi. Aholi moddiy ne’matlarni yaratuvchi va ularni iste’mol etuvchi sifatida mehnat salohiyati ko’rsatkichiga ham egadir. Yuqorida qayd etilgan mehnat bozorini tartibga solish bilan bog’liq bo’lgan tashkiliy-huquqiy va tuzilmaviy shart-sharoitlar mehnat bozori rivojlanishining quyidagi asosiy tamoyillarini to’liq amalga tadbiq etgan holda, mazkur bozorni shakllanishiga samarali ta’sir ko’rsatadi: • mehnat va ish bilan bandlikda erkinlikni ta’minlash. Insonga ijtimoiy mehnatda qatnashishi yoki qatnashmaslikni tanlash ustuvor huquqi berilishi; • ish kuchini talab va taklif qilish o’rtasidagi eng samarali o’zaro hamkorlikni ta’minlovchi normativ-huquqiy mexanizmni yaratish; • ish bilan bandlik bo’yicha yagona davlat siyosatini amalga oshirish. Ish bilan bandlik bo’yicha davlat siyosatining atrofida hamma darajadagi ma’muriy hududlarning aholini ish bilan ta’minlash faoliyatidagi mustaqilligini hisobga olib yagona umumdavlat ish bilan bandlik siyosatini yuritish; • ish bilan bandlikni ta’minlash bo’yicha nazorat. Ish bilan bandlikni ta’minlash bo’yicha chora-tadbirlarni amalga oshirishda kasaba uyushmasi, tadbirkorlar assosiasiyasining boshqaruv organlari bilan hamkorlikda nazoratni amalga oshirish; • ijtimoiy mehnat munosabatlarini tartibga solishda uch tomonlama ijtimoiy hamkorlik (hukumat, kasaba uyushmalari vakillari va tadbirkorlar vakillari); • ish haqi va boshqa qonuniy daromadlar chegarasini O’zbekiston Respublikasi Konstitusiyasida belgilangan “kun kechirish uchun zarur miqdordan kam bo’lmaslik”ka rioya qilgan holda erkin belgilash. 11 2. Mehnat va aholini ijtimoiy muhofaza qilish organlari faoliyatlarining mezonlari va ko‘rsatkichlari. Bugungi kunda mehnat resurslari tarkibiga aholining tabiiy harakati o‘zgarishining ko‘payishi ta’sir ko‘rsatmoqda. SHuni ta’kidlash muhimki, mehnatga qobiliyatli yoshga kirayotgan yigit va qizlarning ko‘pchiligi mehnatga qobiliyatli aholini kengaytirilgan takror ishlab chiqarishni emas, balki uning tabiiy yo‘q bo‘lishi o‘rnini qoplaydi, ya’ni avlodlarning jadal almashuvi sodir bo‘ladi, u mehnat resurslarining sifat tarkibi keskin o‘zgarishiga sabab bo‘ladi. Ayni vaqtda kelgusida xodimlarning ommaviy ravishda bo‘shatilishi natijasida ish bilan bandlik vaziyati mehnatga qobiliyatli aholining o‘sishi sezilarli darajada ko‘payishi tufayli murakkablashuvi mumkin. 2-rasm: 2020-2024 yillarda mehnat bozorida amalga oshirilgan ishlar va erishilgan hamda 2030-yilgacha erishilishi kerak bo’lgan natijalar3. Ish bilan bandlik ijtimoiy totuvlik va barqarorlikka erishuvning, jamiyat iqtisodiy rivojining muhim omilidir.O‘tish davrida bandlik sohasidagi hukumatimizning inson omiliga qaratilgan strategiyasida mehnatga qodir har bir inson o‘z qobiliyatlarini o‘stirishi va o‘z mehnat tarzini ta’minlashi uchun sharoitlar 3 Manba: www.stat.uz rasmiy sayti. 12 yaratishi nazarda tutiladi. Ish bilan bandlik xarakteri kishilarning mulkiy maqomiga bog‘liq bo‘ladi. O‘tish davrida mehnat resurslarining ukladlararo erkin taqsimlanishi bo‘lib tursada, turli ukladlardagi bandlik darajasi, bandlikning daromad keltirishi va qanchaga tushishi bir xil emas, albatta. Bu tabiiy ravishda ukladlardagi korxonalar salohiyatiga, ularning bozor bilan ta’minlanishiga, umumiqtisodiy vaziyatga bog‘liq. Bir uklad uchun bandlik sharoiti qulay bo‘lgani holda, boshqasi uchun noqulay bo‘ladi. Bozor iqtisodiyoti nuqtai-nazaridan, ishchi haqi darajasi ishchi kuchining muvozanatlashgan narxidan yuqori o‘rnatilganda, taklifning talabga nisbatan ko‘pligi paydo bo‘ladi, talab oshgani sari ish haqi ham oshadi, talab kamaygan sari esa, ish haqi ham kamayadi. Hozirgi vaqtgacha mavjud bo‘lgan ish bilan bandlikning tarmoq tuzilishi jamiyat mehnat potensialidan foydalanish samaradorligining darajasi pastligini aks ettiradi va u tubdan o‘zgartirishga muhtojdir. Ish bilan bandlikdagi tarkibiy tanazzulning bevosita oqibatlari, aqliy mehnat kishilarining boshqa mamlakatlarga ketib qolishi - ilm-fan sohasidan va ilmiy bilimlar ko‘proq talab qilinadigan ishlab chiqarish tarmoqlaridan xodimlarning vositachilik sohalariga, shuningdek, malakasini yo‘qotib, norasmiy faoliyat sohalariga o‘tib ishlashidir. Qayd qilingan ishsizlik darajasidagi tarkibiy orqaga ketish ish bilan bandlik xizmati mijozlari orasida mutaxassislar ulushining yuqori ekanligida namoyon bo‘lmoqda. Holbuki, kadrlar potensialini, ayniqsa, oliy va o‘rta maxsus ma’lumotli mutaxassislarni shakllantirish uzoq vaqtni hamda mablag‘ni talab qiladi Mehnat bozorining asosiy indikatorlaridan biri ishlovchilarning ishga joylashish ko‘rsatkichidir. SHu nuqtai-nazardan olib qaraladigan bo‘lsa, ishga joylashganlar sonining ham mutlaq, ham nisbiy ko‘rsatkichlarning oshayotganligini mehnat bozoridagi ijobiy tendensiya sifatida baholash mumkin. Tajribaning ko‘rsatishicha mamlakat mehnat bozoridagi talab asosan malakasiz mehnatga yo‘naltirilgan degan fikrni qisman tasdiqlaydi. Ishlovchilar orasida ish joyini tez-tez 13 o‘zgartiradigan, hamda uncha yuqori malakaga ega bo‘lmaganlarning ko‘pligi mehnat bozoridagi vaziyatni keskinlashtiradigan holatlardan biridir. Ishchi kuchining qayta taqsimlanishi, uning mehnat bozoridagi harakatiga, binobarin, ishchi kuchiga bo‘lgan talab va taklif o‘rtasidagi miqdor-sifat jihatidan muvofiqlikka erishish ko‘lamlariga bevosita ta’sir etuvchi omillar ijtimoiy- iqtisodiy rivojlanishning yangicha sharoitlarini shakllantiradigan makroomillarga bog‘liq. SHuning uchun ham ishsizlik miqyosining haddan tashqari oshib ketishining oldini olish va ishsizlarni ishga joylashtirishga yordam berishning samarali tadbirlarini ishlab chiqish lozim. 3-rasm. Mehnatga layoqatli aholining viloyatlar kesimida taqsimlanishi4. Bozor iqtisodiyoti sharoitida mehnatga bo‘lgan talabni rag‘batlantirishning birdan-bir vositasi investitsiyalar samaradorligini ta’minlashdir. Mehnatga bo‘lgan talabning navbatdagi omili o‘zaro bir-birini to‘ldiradigan mehnat resurslari bilan bog‘liqdir. Agar bitta stanokni xodim boshqarsa va bu xildagi stanoklar narxi oshsa, u holda bu stanoklarda ishlaydigan ishchilarga talab boshqa teng sharoitlarda pasayadi va aksincha bo‘ladi. Amaliyotda inflyasiya ko‘rsatkichlari bilan aholini ish bilan samarali bandligi 4 Manba: www.stat.uz rasmiy sayti. 14 o‘rtasida teskari mutanosiblik mavjud. Inflyasiya sharoitida, daromad solig‘i yukining yashirin, norasmiy oshishi yuz beradi. Inflyasiyasiz va daromad solig‘i chegaralarini qayta ko‘rib chiqmasdan, kompensatsiya qilish maqsadida oylik ish haqini 10 foiz oshirish daromad solig‘idan tushadigan tushumlarni 16 foizga ko‘taradi, demak soliqlarning real oshishi 6 foizga teng. Bunday holat fiskal nuqtai- nazaridan olib qaralganda davlat uchun inflyasiyaga nisbatan iltifotli bo‘lishga rag‘bat tug‘diradi. Lekin bu erda quyidagilarni nazardan qochirmaslik kerak, ya’ni bu hodisaning teskari tomoni ham mavjud - ishchilar real daromadining mos ravishda qisqarishi, talab to‘lov qobiliyatining pasayishi, bu tovar aylanishining kamayishiga olib keladi va oxir - oqibatda ishlab chiqarish qisqaradi. Bu esa, mehnat bozorida ish kuchiga bo‘lgan talabni pasayishiga rag‘bat bo‘luvchi inflyasion moyillikni vujudga keltiradi. Mehnat va aholini ijtimoiy muhofaza qilish organlari tarkibiy qismlarilarning faoliyatida ish kuchiga bo‘lgan talabni oshirish bo‘yicha davlat siyosatini bajarishga qarab mexanizmning ishlab chiqilishi oqilona ish bilan bandlikni ta’minlash sharti hisoblanadi. Tashkiliy jihatdan mehnat bozori ijtimoiy institutlar tizimi sifatida maydonga chiqar ekan, mazkur bozorda Mehnat va aholini ijtimoiy muhofaza qilish organlari faoliyatlarining samaradorligini oshirish aholining oqilona ish bilan bandligini shakllanishida muhim tashkiliy tuzilmalar majmui hisoblanadi. Mehnat va aholini ijtimoiy muhofaza qilish organlari faoliyatlarining samaradorligini oshirishning asosiy maqsadlari mehnatdan foydalanish muammolari, uning samaradorligini oshirish bilan bog‘liqdir. Yuqorida respublikamizda ish bilan bandlik holati bo‘yicha mehnat va ijtimoiy-siyosat sohasidagi ba’zi kamchiliklar Mehnat va aholini ijtimoiy muhofaza qilish organlari faoliyatlarining samaradorligini oshirishiga teskari mutonasiblikda ta’sir etuvchi omillardir. Amaliyotda aholining oqilona ish bilan bandligi ishchi kuchiga talab va taklif o‘rtasidagi bozor muvozanatiga erishishni bildiradi. Bunday holda ishsizlikning yo‘l qo‘yilishi mumkin (tabiiy) darajasi vujudga keladi. Bunday muvozanat ish 15 beruvchilar va “mehnat qobiliyati” kishilarining iqtisodiy manfaatlarini eng muqobil darajada amalga oshirilishini ta’minlaydi. Bunda ishchi kuchiga kasbiy malaka tayyorgarligi bo‘yicha mos narxlar belgilanadi. Xuddi shular tufayli, aholining oqilona ish bilan bandligi, ijtimoiy takror ishlab chiqarish va ishchi kuchining qiymati asosida “mehnat qilish qobiliyati”ni bozorda sotish uchun taklif qilganlarning turmush darajasi shakllanishi ham ta’minlanadi. 4-rasm: Mehnatga layoqatli aholi ulushi ko’rsatkichlari5. Yuqorida tushuncha nuqtai nazaridan qaraganda respublikamizda aholining oqilona ish bilan bandligini shakllanishiga ham to‘la erishilgani yo‘q. Bunga quyidagi sabablar asosiy to‘siq bo‘lmoqda: davlat mulkini xususiylashtirish samaradorligining past darajasi; iqtisodiyotda tubdan tarkibiy islohotlarning sekinlik bilan borishi; mehnat haqining uning yakuniy natijalaridan uzilib qolishi; ish joylarining past sifatli moddiy-texnika jihozlar bilan ta’minlanishi; ishchi kuchi 5 Manba: www.stat.uz rasmiy sayti. 16 taklifini unga bo‘lgan talabga nisbatan ko‘proq o‘sayotganligi; bo‘sh ish joylari haqida ishonchli axborotlarning kamligi va mehnat bozorining samarali tartibga solish mexanizmi takomillashmaganligi. Mehnat bozorining mehnat munosabatlarini tartibga solishning samarali mexanizmini takomillashmaganligi Mehnat va aholini ijtimoiy muhofaza qilish organlari faoliyatlarining samaradorligini oshirishga va buning natijasi o‘laroq aholining oqilona ish bilan bandligini shakllanishiga salbiy ta’sir ko‘rsatadi. Aholining oqilona ish bilan bandligini ta’minlashning takomillashtirilgan yangi mexanizmi quyidagi asosiy shart-sharoitlarning ta’sirini tartibga solishi lozim: ishchi kuchiga talabning oshishi va unga taklifning kamayishi; yollanma ish kuchiga mehnat haqini (narxini) eng past miqdorini aholi jon boshiga to‘g‘ri keladigan minimal iste’mol byudjetidan kam bo‘lmagan holda belgilash; mehnatga qobiliyatli o‘smirlar, pensionerlar, ko‘p bolalik ayollar va nogironlar ish bilan bandligini oshirishni rag‘batlantirish; ishsizlarning malakasi, raqobat qobiliyati va safarbarligini oshirish, ish bilan bandlik xizmati infratuzilmasining samarali rivojlanishini ta’minlash va boshqalar. O‘zbekistonda zamonaviy mehnat bozori hali tarkib topish jarayonidadir. U hali mezon asosida o‘zining yaqqol qiyofasiga ega bo‘lib ulgurganicha yo‘q. Bu jihatdan uni birinchi turga intiluvchi aralash mehnat bozori deb atash mumkin. Mazkur bozorning shu jihatlarini e’tiborga olgan holda uning infratuzilmasi rivojlanishining barcha demografik, ijtimoiy, iqtisodiy va boshqa jihatlari quyidagi mezonlarda o‘z aksini topadi: ishchi kuchiga talab va taklif o‘rtasida bozor muvozanatiga erishish; mehnat bozorining sifat ko‘rsatkichlarini ta’minlash; aholining ish bilan bandligiga oid axborotlar tizimini takomillashtirish; kadrlarning kasbiy harakatchanligi va eksportabelligini rivojlantirish; ishsizlikni kamaytirish; malakali mehnat bozorini shakllantirish va boshqalar. Mazkur mezonlar quyidagi ko‘rsatkichlar yordamida aniqlanadi: mavjud va yangi yaratilgan ish joylarining soni, mulkchilikning turli xil shakllari, aholi jon boshiga ishlab chiqarilgan YAIMning hajmi; ishchi kuchi eksportidan kelgan tushum miqdori, aholining migratsion oqimi, eksport qilingan ishchi kuchi salmog‘i; 17 mehnat resurslarining malaka va ma’lumot darajasi, mehnat bozoridagi raqobatbardoshlik, mehnat bozori institutsion tuzilmalari samaradorligi, samarali va egiluvchan mehnat bozorini shakllantirish va rivojlantirish; malakali kadrlardan foydalanish samaradorligi; malakali kadrlarni tayyorlashda moddiy-texnik ta’minot, oliy va o‘rta toifadagi mutaxassislar salmog‘i; ijtimoiy ishlab chiqarishda band bo‘lmagan shaxslar va ishsizlik soni hamda ularning nafaqa miqdori, yangi ishga joylashtirish, xizmat bo‘yicha boshqa ishga o‘tish munosabati bilan qayta tayyorgarlik, yangi ish joyiga ko‘chirib keltirish; mehnat bo‘limida hisobda bo‘lgan bo‘sh ish o‘rinlari va lavozimlarining to‘liq ro‘yxati, mehnat bo‘limida hujjatlarni rasmiylashtirish bo‘yicha ma’lumotlar, ishsizning huquqlari va majburiyatlari to‘g‘risidagi to‘liq axborot, ish beruvchilar to‘g‘risidagi axborot, yangi kasbga tayyorlash va qayta tayyorlash imkoniyatlari to‘g‘risidagi axborot, mulkchilikning turli xil shakllari va h.k. Yuqorida qayd etilgan mezonlar va ularning ko‘rsatkichlaridan mehnatga layoqatli aholining oqilona ish bilan bandligini shakllantirishni tartibga solish mexanizmlarini, tegishli maqsadli kompleks dasturini hamda kompleks tahlili va istiqbolini belgilashning metodologik asoslarini yaratishda va ularni tadbiq etishda foydalanish mumkin. 3. Mehnat va aholini ijtimoiy muhofaza qilish organlari faoliyatlarining samaradorligini baholash usullari. Ish bilan bandlik xizmati o‘zining asosiy mijozlari bilan ishini shunday tashkil qiladiki, bunda ish beruvchi mehnat bozorining holatiga qarab ishchi kuchi talabining kelajakdagi o‘zgarishi bo‘yicha oldindan o‘z strategiyasini ishlab chiqishi va oldinroq kadrlar tayyorlash masalasini hal qilishi zarur; ishsizlarda esa, kasbiy malakalarini o‘sishiga ichki talabni rivojlantirish va mehnat bozoridagi raqobat kurashiga psixologik jihatdan tayyor bo‘lishlari zarurligini ifodalaydi. Biz ish bilan bandlik xizmati faoliyatining samaradorligini baholash uchun optimal usullardan foydalanishga harakat qilamiz. Bu bilan bog‘liqlikda biz oldimizga quyidagi masalalarni qo‘yamiz: 1. Ish bilan bandlik xizmati faoliyatining samaradorligini baholash uchun tadbiq etilayotgan usullarni tizimlashtirish; 18 2. Hududiy ish bilan bandlik xizmati faoliyatining samaradorligini baholashda ko‘rsatkichlar tizimi va usullarini tahlil etish; 3. Ish bilan bandlik xizmati faoliyatining samaradorligini baholash usullarini takomillashtirish bo‘yicha tatqiqotlar o‘tkazish va tavsiyalar ishlab chiqish. Mehnat sohasida ish bilan bandlik xizmati har qanday davlat tashkiloti singari ierarxiyali (pog‘onali) tuzilmalarga ega, shuning uchun uning faoliyatini baholash turli darajalardagi boshqaruv organlari sifatida amalga oshiriladi: yuqori darajada - respublika miqyosida; o‘rta darajada - hudud (viloyat) miqyosida; quyi darajada - joylardagi mehnat organlari (tuman) miqyosida. Ko‘pchilik MDH davlatlarida yaqin vaqtlargacha, Mehnat va aholini ijtimoiy muhofaza qilish vazirliklari tomonidan hududiy ish bilan bandlik xizmati organlari faoliyatlarining samarali yoki samarasiz ekanligi quyidagi ikkita ko‘rsatkich bilan baholangan: birinchisi - aholini ish bilan ta’minlash jamg‘armasiga yig‘ilgan sug‘urta ajratmalari va bu mablag‘larning ishsizlarga nafaqa to‘lovlari uchun etarliligi; ikkinchisi- ishsizlik darajasi, mehnat organlari ro‘yxatidan o‘tgan jami ishsizlar sonini jami iqtisodiy faol aholiga nisbati. Bu ko‘rsatkichlar va natijalar ish bilan bandlik xizmati faoliyatini samarali yoki samarasiz ekanligini baholash uchun etarli hisoblangan. Respublikamiz Mehnat va aholini ijtimoiy muhofaza qilish vazirligi tavsiyasiga muvofiq, hududiy ish bilan bandlik xizmati organlari faoliyatlarining samaradorligini hisoblash metodikasini qarab chiqamiz. Respublikamiz Mehnat va aholini ijtimoiy muhofaza qilish vazirligi hududiy ish bilan bandlik xizmati organlarining faoliyatlarini takomillashtirish hamda mehnat bozori monitoringini mustahkamlash maqsadida, hududiy ish bilan bandlik xizmati organlari faoliyatining samaradorligini baholash bo‘yicha ko‘rsatkichlar tizimini kengaytirish zarur. O‘zbekiston Respublikasi Prezidentining "Aholi bandligini oshirish hamda mehnat va aholini ijtimoiy muhofaza hilish organlari faoliyatini takomillashtirish chora-tadbirlari to‘g'risida" 2007 yil 6 apreldagi PQ-616-son qaroriga muvofiq 19 ishlab chiqilgan hamda ishga joylashtirishga muhtoj mehnat bilan band bo‘lmagan aholi sonini mintaqalar bo‘yicha hisoblab chiqish va shu asosda mehnat resurslarining tegishli balansini ishlab chiqish tartibini belgilaydi. Mehnat va aholini ijtimoiy muhofaza qilish vazirligi tomonidan ish bilan bandlik xizmati organlari faoliyatining samaradorligini baholash uch qismga bo‘linadi. 1) Ish izlovchi fuqarolarning ish bilan bandlik xizmatiga talab etilganlik darajasini baholash. 2) Ish topish maqsadida murojaat qilgan fuqarolarni ishga joylashtirishga ko‘maklashish bo‘yicha ish bilan bandlik xizmati faoliyatining samaradorligi. 3) Ish beruvchilar bilan ishlash. Hududiy ish bilan bandlik xizmati organlari faoliyatining samaradorligini baholash bo‘yicha yuqorida keltirilgan ko‘rsatkichlar ish bilan bandlik xizmati organlari rivojlanishining turli bosqichlarida kengayib bormoqda va maqsaddan kelib chiqqan holda hamda faoliyat yo‘nalishlaridan bog‘liq ravishda o‘zgarmoqda. Tadqiqotlar shuni ko‘rsatadiki, Samarqand viloyati ish bilan bandlik xizmati faoliyatining natijalarini respublikamizning boshqa hududiy ish bilan bandlik xizmati organlari faoliyatlari bilan har tomonlama baholash bo‘yicha solishtirishning aniq mezoni ishlab chiqilmagan. SHu sababli, viloyatlar ish bilan bandlik xizmati organlari faoliyatlarining natijalarini har tomonlama o‘zaro solishtirish mumkin bo‘lgan ko‘rsatkichlar tizimining dasturiy ta’minotini ishlab chiqish va amaliyotga tatbiq etish kerak. Biz o‘ylaymizki, ishga joylashtirishga ko‘maklashish masalasi ish beruvchilar va ishsizlar o‘rtasida murosaviy munosabatlarni shakllantirishni nazarda tutadi. Murosaga kelishni bunday baholash mezoni ish beruvchilar va ishsizlar talabini qondirish imkoniyatlari hisoblanadi. SHunday ekan, ish bilan bandlik xizmati ishining samaradorligini baholash uchun ish beruvchilar va ishsizlar talabini qondirilish darajasini aniqlash zarur. 20 4. O'zbekiston Respublikasida mehnat bozori va ishsizlikni o'ziga xos xususiyatlari. O`zbekistonda amalga oshiralayotgan barcha islohotlarning tub maqsadi – bu inson farovonligi, uning munosib turmush darajasini ta`milash hisoblanadi. Bu esa o`z navbatida davlat tomonidan aholining samarali ish bilan band bo`lishiga barcha shart- sharoitlarning yaratib berilishida mehnat bozoriga bo`lgan e`tiborni kuchayishiga olib keladi. Aholining munosib va rasmiy ish bilan bandligini ta’minlash maqsadida “O‘zbekiston Respublikasining 2021-2030 yillarda aholi bandligiga ko‘maklashish strategiyasi” ishlab chiqildi. Ushbu strategiyani amalga oshirish natijasida erishiladigan maqsadli ko‘rsatkich va indikatorlar 2030 yilgacha bo‘lgan davrda barqaror rivojlanish sohasidagi milliy maqsad va vazifalar samarali va munosib ish bilan bandlikni oshirish asosida barqaror va umumqamrovli iqtisodiy o‘sishga xizmat qiladi. Shu bilan bir qatorda O`zbekiston Respublikasi Prezidentning 16.09.2021 yildagi PQ-5245 son qarori bilan Mustaqil Davlatlar Hamdoʻstligi ishtirokchi davlatlarining aholi bandli giga koʻmaklashish sohasida hamkorlik toʻgʻrisidagi bitim tasdiqlandi. Bundan bizga ma`lumki Milliy iqtisodiyotimiz o`sishida va aholi ishsizlik ko`rsatkichalarini pasayib borishda , Mehnat bozoriga yetuk malakali kadrlarni tayyorlab berishimiz ham muhim o`rin tutadi. Har bir davlat rivojlanish darajasi uning aholisining farovon turmush tarzi bilan o`lchanadi. Aholi farovonligi bevosita uning ish biland bandligiga, ish bilan bandlilik esa o`z o`zidan Mehnat bozoriga borib taqaladi. Mehnat bozori muhim ahamiyat kasb e`tishi bizga ko`p jabhada ma`lum bo`ldi , keling endi bu haqida atroflicha ta`rif berib o`tsak.Mehnat bozori- bu ish kuchi oldi sotdi qilinadigan bozor hisoblanib, uning asosiy ishtirokchilari ishga yollovchilar, ishga yollanuvchilar va ular o`rtasidagi turli vositachilar hisoblanadi. Turli vositachi firmalar, tashkilotlar va agentliklar Mehnat bozorining infratuzilmasini tashkil etadi. Ish kuchi maxsus tovar sifatida uning boshliqlari tomonidan bozorga taklif etiladi. Ishga yollovchilar Mehnat bozoriga talab bilan chiqadi. Ish kuchining oldi-sotdisi xaridor bilan sotuvchi o`rtasida to`g`ridan to`g`ri yoki vositachilar ishtirokida yuz berishi mumkin. Yuqorida imzolangan bitimda ham keng qamrovli masalalarni hal etish 21 ko`zda tutilgan. Misol uchun umumiy mehnat bozorini shakllantirishda muammolarni hal qilish bilan bir qatorda mavjud toʻsiqlarni bartaraf etish boʻyicha yondashuvlarni kelishilgan holda ishlab chiqish, hamda Bitim ishtirokchi davlatlarida aholi bandligiga koʻmaklashish va ishsizlar sonini qisqartirishga qaratilgan chora-tadbirlar, dasturlar va хizmatlarni ishlab chiqishda va ularning samaradorligini oshirishda hamkorlik qilish vazifalari o`rin tutadi. mehnat bozori hamda mehnatga talab va uning taklifi o’rtasidagi mutanosiblik Ishsizlikni keltirib chiqarishi mumkin. Shu o`rinda Mehnat bozori orqali ishsizlikka ta`rif berib o`tsak. 5-rasm: Aholi bandlik va ishsizlik grafigi6. Ishsizlik - ishchi kuchining (iqtisodiy faol aholining) bir qismi bo’lib, ishlab chiqarish va xizmat ko’rsatish sohasida ish bilan band bo’lmagan ijtimoiy-iqtisodiy jarayondir. U mehnat bozorida ishchi kuchining nisbatan katta taklifi bilan ishchi kuchi talabi o’rtasida mavjud bo’ladigan nomuvofiqlikni aks ettiradi. .Ishsizlik va u bilan bog’liq muammolar mehnat bozoridagi ijtimoiy-iqtisodiy mehnat munosabatlarining asosiy mazmunini tashkil qiladi. Ishsizlik muammosini o’rganishdan asosiy maqsad aholining ish bilan bandligini yaxshilash orqali mamlakat ishlab chiqarishini kengaytirish va aholi turmush darajasini yanada yaxshilashga aloqador tadbirlar ishlab chiqishdan iborat. Jamiyatdagi ishsizlik darajasini pasaytirish uchun qo’shimcha ishchi o’rinlarini yaratish, ularni ishga 6 Manba: www.stat.uz rasmiy sayti. 22 tushirish aholining tabiiy o’sishidan orqada qolmasligi kerak. Ma’lumki, O’zbekiston dunyo hamjamiyati davlatlari o’rtasida aholisining jadal o’sib borayotganligi bilan ajralib turadi. Mamlakat aholisining soni har yili o’rtacha 550-600 ming kishiga, mehnatga layoqatli aholi soni esa 250-300 ming kishiga ko’paymoqda. Bunday vaziyat o’z navbatida aholining ish bilan bandligini oshirish, buning uchun esa ishlab chiqarishni kengaytirish, yangi ish o’rinlarini yaratish borasida uzluksiz ish olib borishni taqozo etadi. Aks holda, aholining turmush darajasining pasayib borishi, mamlakatda ishsizlar sonining ortib borishi bilan bog’liq muammolar kelib chiqishi mumkin.Natijada iqtisodiy faol aholining bir qismi tovar va xizmatlar ishlab chiqarishda ish bilan band bo’lmaydi va mehnat bozorining yordamida o’zining jismoniy va aqliy qobiliyatlarini ro`yobga chiqara olmaydi. Nazariy jihatdan qaraganda ishsizlik iqtisodiy kategoriya bo’lib, u insonning mehnat qilish huquqi, uning o’z mehnatga qodirligini yuzaga chiqarish huquqi kabi tabiat bergan huquqini amalga oshirish borasida yollanma xodimlar bilan ish beruvchilar o’rtasida kechadigan munosabatlarni aks ettiradi. Shu bilan birga, bunda gap nafaqat hayotning o’zini saqlab qolish va takror tiklab borish uchun zarur bo’lgan vositalarni ta’minlash jihatidan, balki shuningdek hayotiy faoliyat shakli bo’lmish mehnatga oid tabiiy ehtiyojni ro’yobga chiqarish jihatidan ham insonning mehnat qilish huquqi, uning mehnatga qodirligini yuzaga chiqarish huquqini amalga oshirish to’g’risida boradi. Muammoga sof iqtisodiy jihatdan qaraganda ishsizlik – mamlakat aholisining mehnat qilishga qodir bo’lgan va mehnat qilishni istaydigan, har bir aniq paytda soni ko’proq yoki kamroq bo’ladigan muayyan miqdordagi qismining ish bilan ta’minlanmaganligidir degan ta’rifni hisobga oladigan bo’lsak, unda ishsizlarga: a) ishga ega bo’lmaganlar; b) ishlashni istaydiganlar; v) ish izlash istagida bo’lgan shaxslar kiradi. Ko’pgina rivojlangan mamlakatlarning ijtimoiy statistika ma’lumotlariga ko’ra ishsizlar sirasiga va ish bilan band degan maqom berish uchun o’tkazilgan so’rovlar paytida ish bilan band bo’lmaganlar guruhiga ishdan bo’shagandan so’ng to’rt hafta