VASIYATNOMALARNI NOTARIAL TASDIQLASH Режа: 1. Vasiyatnomalarni notarial tasdiqlash asoslari 2. Notarial tasdiqlangan vasiyatnomalarga tenglashtirilgan vasiyatnomalar 3. Vasiyatnomani notarial tasdiqlash tartibi 4. Vasiyatnomani oʼzgartirish va bekor qilish tartibi Mavzuga oid normative huquqiy hujjatlar: O’zbekiston Respublikasi fuqarolik kodeksi Oʼzbekiston Respublikasining “Notariat toʼgʼrisida”gi Qonuni. (oʼzgartish va qoʼshimchalari bilan) // Qonun hujjatlari maʼlumotlari milliy bazasi, 19.04.2018 y., 03/18/476/1087-son. Oʼzbekiston Respublikasi Аdliya vazirligida 2019 yil 04 yanvarda 3113-son bilan roʼyxatga olingan Notariuslar tomonidan notarial harakatlarni amalga oshirish tartibi toʼgʼrisida yoʼriqnoma Notarial tasdiqlangan hujjatlarga tenglashtiriladigan vasiyatnomalar va ishonchnomalarni tasdiqlash tartibi toʼgʼrisidagi yoʼriqnoma (Oʼzbekiston Respublikasi adliya vazirining 2011 yil 25 maydagi 111-mh- son buyrugʼiga ILOVА) Vasiyatnomani notarial tasdiqlash Fuqaroning oʼziga tegishli mol-mulkni yoki bu mol-mulkka nisbatan huquqini vafot etgan taqdirda tasarruf etish xususidagi xohish-irodasi vasiyat deb eʼtirof qilinadi. Vasiyatnoma shaxsan tuzilishi lozim. Vasiyatnomaning vakil orqali tuzilishiga yoʼl qoʼyilmaydi. Fuqaro oʼzining barcha mol-mulkini yoki uning muayyan qismini qonun boʼyicha merosxoʼrlar doirasiga kiradigan, shuningdek kirmaydigan bir yoki bir necha shaxsga, shu bilan birga yuridik shaxslarga, davlatga yoki fuqarolarning oʼzini oʼzi boshqarish organlariga vasiyat qilishi mumkin. Oʼzbekiston Respublikasining qonunchiligiga koʼra vasiyatnoma notarial tasdiqlangan boʼlishi lozim. Shuningdek, qonunda vasiyatnomalarni tasdiqlash vakolati berilgan shaxslar tomonidan tasdiqlangan vasiyatnomalar notarial tasdiqlangan vasiyatnomalarga tenglashtirilgan hisoblanadi. Notarial tasdiqlangan vasiyatnomalarga tenglashtirilgan vasiyatnomalar quyidagilar: Qonunda vakolat berilgan shaxslar tomonidan tasdiqlangan vasiyatnomalar notarial tasdiqlangan vasiyatnomalarga tenglashtirilgan 1) kasalxonalar, gospitallar, boshqa statsionar davolash muassasalarida davolanayotgan yoki keksalar va nogironligi bo‘lgan shaxslar uchun internat uylarida yashab turgan fuqarolarning ana shu kasalxonalar, gospitallar va boshqa davolash muassasalarining bosh vrachlari, ularning davolash ishlari bo‘yicha o‘rinbosarlari yoki navbatchi vrachlari, shuningdek gospitallarning boshliqlari, keksalar va nogironligi bo‘lgan shaxslar uchun internat uylarining direktorlari yoki bosh vrachlari tomonidan tasdiqlangan vasiyatnomalari; fuqarolarning O‘zbekiston Respublikasi bayrog‘i ostidagi kemalarda suzib yurgan vaqtidagi ana shu kemalarning kapitanlari tomonidan tasdiqlangan vasiyatnomalari; qidiruv ekspeditsiyalari yoki shu kabi boshqa ekspeditsiyalardagi fuqarolarning ana shu ekspeditsiyalar boshliqlari tomonidan tasdiqlangan vasiyatnomalari;